Opoja.net
Meka Mish

A e dini se cigareve u shtohet sheqer?

Ka pak duhanpirës që e dinë se sheqeri shtohet në cigare, sipas një sondazhi të ri amerikan.

Në të njëjtën kohë, pak prej tyre janë të vetëdijshëm se shtimi i sheqerit në duhan rrit sasinë e toksinave në tymin e cigareve, shkruajnë autorët e hulumtimit në revistën “Nicotine and Tobacco Research”.

“Cigaret përmbajnë sheqerna natyrale dhe shtojcë që të zvogëlojnë “hidhësinë” e tyre, gjë që e bën më të lehtë thithjen e tymit. Por ato në të njëjtën kohë rrisin sasinë e kimikateve të dëmshme në tym të duhanit, si dhe potencialin e pirjes së duhanit”, thotë Andrew Seidenberg, nga Shëndeti Publik në Universitetin e Karolinës së Veriut.

“Një numër i madh i pjesëmarrësve thanë se duan të dinë më shumë për sheqerin në cigare dhe ky është një shans,” tha ai për Reuters. Ai dhe kolegët ndoqën 4,350 duhanpirës të rritur, si pjesë e një eksperimenti të cigareve, transmeton KosovaPress.

Në fund të eksperimentit, pjesëmarrësit iu përgjigjën dy pyetjeve rreth sheqerit të shtuar në cigare: “A po shtohet sheqeri në cigare?” dhe “Shtimi i sheqerit në cigare rrit toksina në tymin e duhanit. A keni dëgjuar ndonjëherë për këtë pasojë të shtimit të sheqerit para fillimit të studimit?”

Rezultatet e studimit treguan se 5.5 pjesëmarrës në sondazh e dinin se sheqeri ishte shtuar në cigare dhe vetëm 3.8 për qind e dinin se shtimi i toksinave në sheqer rrit tymin e duhanit. Seidenberg thotë se rezultatet e sondazhit e befasuan atë. Ai vendosi me kolegët që të fillonin të punonin në mesazhe rreth ekzistencës së sheqerit në cigare.

Në një fushatë të organizuar në Australi, Seidenberg dhe kolegët paralajmërojnë këtë në këngën “Sugar, Sugar”, ndërsa në ekran thuhet: “Shtimi i sheqerit dhe mjaltit mbulon shijen e hidhur të duhanit, por dëmtimi i pirjes së duhanit dhe cigareve nuk mund të fshihen”.

Duhet të mbahet mend se nikotina që përmban në cigare shton varësinë pasi stimulon dopaminën në tru të duhanpirësve dhe atyre iu japin një ndjenjë të përkohshme të relaksimit dhe qetësisë.

Për shkak të qetësisë së përkohshme, duhanpirësit shpejt ndezin cigaren e re. Megjithatë, disa nga aditivët në cigare stimulojnë receptorët e nikotinës, gjë që i bën shumë duhanpirës të rastësishëm të bëhen duhanpirës të pasionuar.

Gjiganti

Mos i humb

Pesë mundësi për të financuar biznesin tuaj edhe nëse nuk keni para

Opoja.net

Njihuni me djaloshin i cili është në gjendje që “automatikisht” të flasë, lexojë dhe shkruajë mbrapsht

Opoja.net

A e dini pse 1 Maji mbeti si Dita e Punëtorëve?

Opoja.net

Hyri në librin e rekordeve Guinness duke e shtyrë automjetin për 100 kilometra

Opoja.net

Çudia e fundit në Restelicë, delja hypi mbi kulmin e një shtëpie (Foto)

Opoja.net

Mos e drejtoni veturën kur keni pak karburant, kjo është arsyeja

Opoja.net
Agjencia e Lajmeve
www.opoja.net