Dy dekada nga rënia e Ruzhdi Berishës

Opoja.net Opoja.net Lajme Opoja

Njëzet vite më parë Dragashi dhe Kosova humbën një intelektual, mësimdhënës, atdhetar dhe aktivist të rrallë politik. Ai ishte Ruzhdi Berisha, profesori i letërsisë nga fshati Buçe i Dragashit.

Ruzhdi Berisha, përveç punës si profesor në gjimnazin e Dragashit që sot mban emrin e tij, u shqua edhe për aktivitete politike dhe atdhetare gjatë kohë së rezistencës ndaj dhunës dhe represionit sistematik të aparatit policor dhe ushtarak të Jugosllavisë së Millosheviqit.

Ruzhdi Berisha ishte njëri ndër themeluesit e Degës së Lidhjes Demokratike në Komunën e Dragashit. Si kandidat i kësaj partie, Berisha ishte zgjedhur edhe deputet në Kunvendin e Kosovës, në zgjedhjet parlamentare dhe presidenciale që organizoheshin asaj kohe.

Ai u gjet i vrarë në shtator të vitit 1999, në vendin e quajtur Pikëllimë, në malet e Koretnikut.
Gjimnazi i Dragashit ku Ruzhdi Berisha dha mësim për më shumë se dy dekada, sot mban emrin e tij, në nderim të punës së tij pedagogjike dhe veprimtarisë së lavdishme për lirinë e Kosovës dhe brezave që i edukoi.

/OPOJAnet/

Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.

- Reklama-
- Reklama-