Opoja.net
Meka Mish

Faqja e UEFA-s rekomandon përballjen Kosovë-Bullgari në grupin e ndeshjeve që nuk duhen humbur

Kosova do ta nisë rrugëtimin kualifikues për ‘Euro 2020’ me ndeshjen e të hënës mbrëma kundër Bullgarisë, e cila zhvillohet në stadiumin “Fadil Vokrri” me fillim nga ora 20:45.

Përfaqësuesja e ‘Dardanëve’ debuton në një turne kualifikues të Kampionatit Botëror me një mbështetje të madhe të tifozëve, me shpresën për ta nisur mbarë aventurën në Grupin A.

(Foto: Telegrafi/Ridvan Slivova)

Faqja e UEFA-s ka bërë një listë prej katër ndeshjesh që nuk duhen humbur në këtë xhiro kualifikuese për Kampionatin e ardhshëm Evropian, ndërsa aty është sfida ndërmjet Kosovës dhe Bullgarisë.

“Kosova ka shkëlqyer në Ligën D të Ligës së Kombeve duke përfunduar në krye të grupit pa humbje, falë rezultateve, si fitorja prej 4-0 kundër Azerbajxhanit në shtëpi”.

(Foto: Telegrafi/Ridvan Slivova)

“Duke munguar në fazën finale që nga ‘Euro 2004’, Bullgaria po kalon një periudhë jo të mirë dhe luajti baras ndaj Malit të Zi të premten. A do ta shfrytëzojë përparësinë në Prishtinë, Kosova që po fluturon lartë?”, shkruan uefa.com.

Në grupin e ndeshjeve që duhen ndjekur është përmendur përballja ndërmjet Holandës dhe Gjermanisë (e diel), si edhe rikthimi i Cristiano Ronaldos te kampioni në fuqi, Portugalia.

Po ashtu, të martën zhvillohet ndeshja interesante ndërmjet Zvicrës dhe Danimarkës që nuk duhet humbur, rekomandon faqja e UEFA-s. /Telegrafi/

KG 2

Mos i humb

I jashtëzakonshmi Celina, shënon gol spektakolar nga gjuajtja e lirë

Opoja.net

Unitedi mposht Interin në International Champions Cup

Opoja.net

Xherdan Shaqiri promovon fanellat e treta të Liverpoolit

Opoja.net

Lajm i madh nga Arbër Zenelin

Opoja.net

Maldini: Modric është perfekt për Milanin

Opoja.net

Kosovare Asllani bëhet ‘galaktikja’ e parë, nënshkruan me Real Madridin

Opoja.net
Agjencia e Lajmeve
www.opoja.net