Opoja.net

Flamuri i Kosovës në stadiumin ‘Akhmat Arena’ të Çeçenisë ku luan Bernard Berisha i ka tërbuar serbët

Sport

Akhmat Arena është stadiumi i ekipit çeçen të Ahmat Groznit, ku luajnë Bernard Berisha, Odise Roshi dhe Bekim Balaj, e që bën gara në kampionatin elitar rus.

Ky klub e ka traditë që t’i vendosë në stadium flamujt e të gjitha vendeve nga vijnë lojtarët e tij.

Mes flamujve të ndryshëm qëndron edhe ai i Kosovës për nder të Bernard Berishës, sikurse edhe i Shqipërisë për nder të dyshes shqiptare Roshi e Balaj.

Ky fakt ka ngjallur reagimin e ambasadorit serb në Rusi.  Ai e sheh të habitshme vendosjen e flamurit të Kosovës në stadiumin rus.

Sipas ambasadorit Terzic, kjo gjë është në kundërshtim me atë që Rusia vepron ndaj pavarësisë së Kosovës.

“Është shumë e habitshme paraqitja e flamurit të Kosovës në Ahmat-Arena. Ne presim që autoritetet lokale të reagojnë në përputhje me pozitën zyrtare të Federatës Ruse.”, thuhet në reagimin e ambasadorit serb, Slavenko Terzic.

E menjëhershme ka qenë përgjigja e klubit rus nëpërmjet zëdhënësit për shtyp, Ramazan Umarov.

Ai e sheh të zmadhuar dhe të pakuptimtë deklaratën e ambasadorit serb.

“Nuk e kuptoj pse e thotë këtë. Ky flamur nuk u paraqit në stadium dje apo sot. Ai ka qëndruar i varur për disa vite aty. Tek ne aktivizohet Bernard Berisha, i cili luan për ekipin e përfaqësueses të Kosovës”.

“Në stadium varen të gjithë flamujt e ekipeve përfaqësuese, që luajnë lojtarët tanë”.

FC Akhmat Grozny

@akhmatgrozny

Раздевалка ФК «Ахмат» перед матчем со «Спартаком» ???

See FC Akhmat Grozny’s other Tweets

“Përveç Kosovës, janë flamujt e Shqipërisë, Kroacisë apo Senegalit. Pse bëhet kaq zhurmë për hiçgjë? Nuk e kuptoj politikën”.

“Vetëm mund të them pse ai flamur është i varur dhe nuk e di nëse do të hiqet apo jo.”, u shpreh zëdhënësi i Akhmat Groznit.

Klubi çeçen mori vendim që t’i largojë të gjithë flamujt në ambientet e stadiumit. /Telegrafi/

Mos i humb

Xhaka i rikthehet stërvitjeve para sfidës me Liverpoolin: Po ndjehem mirë

Opoja.net

Ronaldo paralajmëron pensionimin: Mund ta lë futbollin vitin e ardhshëm

Opoja.net

Kosova probleme me lëndimet, Challandes vështirë t’i zëvendësojë

Opoja.net

Pesë trajnerët që kanë shpenzuar më së shumti në histori të futbollit – Mourinho lider

Opoja.net

E jashtëzakonshme: 1 milion e 871 mijë kërkesa për biletat e ndeshjes Kosovë – Çeki

Opoja.net

Shiten të gjitha biletat për ndeshjen Kosovë – Çeki në kohë rekord

Opoja.net
Agjencia e Lajmeve
www.opoja.net