Opoja.net
Meka Mish

Dragash: Mungesa e të akuzuarve shtyn gjykimin për lëndim të lehtë trupor

Dragash – Mungesa e të akuzuarve për lëndim të lehtë trupor, Ymrishat dhe Nadir Gashi ka bërë që të dështojë seanca ndaj tyre, e paraparë për të martën, në Gjykatën Themelore në Prizren, dega në Dragash.

Gjykatësja e rastit, Sabaheta Kurteshi ka deklaruar se nga fletë kthesat që gjenden në shkresat e lëndës, palët janë thirrur në mënyrë të rregullt, raporton “Betimi për Drejtësi”.

Në këtë seancë, për të dytën herë ka qenë i pranishëm dëshmitari Naser Krasniqi, i cili ka reaguar duke shprehur pakënaqësinë e tij, për dështimet e seancave.

Gjykatësja Kurteshi, ka thënë se ndaj të akuzuarve do të lëshojë urdhëresë për sjellje me dhunë.

Seanca e radhës është caktuar më 21 mars 2019, në ora 11:00.

Në bazë të aktakuzës se ngritur nga Prokuroria Themelore në Prizren, më 23 nëntor 2015, të pandehurit Nadir dhe Ymrishat Gashi, akuzohen se më 4 gusht 2015, rreth orës 09:15 në vendin e quajtur “Livadhi i madh”, ne afërsi të fshatit Brezne, në bashkëveprim i shkaktojnë lëndime të lehta trupore të dëmtuarit, Nevzat Krasniqi.

Sipas aktakuzës, derisa i dëmtuari ishte duke ruajtur lopët, Nadir Gashi e godet me tërfurk, ndërsa Ymrishat Gashi me një shkop druri, mjete këto të përshtatshme për t’i shkaktuar atij lëndime trupore, në pjesën e kokës dhe parakrahut të majtë.

Me këto veprime, ata në bashkëveprim kanë kryer veprën penale “lëndim i lehtë  trupor” nga neni 188 paragrafi 2 të Kodit Penal të Kosovës./BETIMIPERDREJTESI.COM/

Mos i humb

Dhjetë të akuzuarit mohojnë se kishin lejuar bagëtitë të kullosnin në pronën e të dëmtuarit

Opoja.net

Ankohen për punimet – Komuna thotë se janë ngatërruar (Video)

Opoja.net

Ariu mbyt dy viça në fshatin Kapre – Ende sorollatet atypari (Video)

Opoja.net

Nuk mbulohet kanali si duhet nga Zhuri deri në Dragash, automjetët e rënda “ ngulfaten” në të

Opoja.net

E teta, ‘e vërteta’: Shpallen fituesit e tenderit për ujësjellësin kryesor në Dragash

Fari Kolloni

‘Dhia’ është emri shqip i këtij fshati opojan, sipas albanologut që vdiq dje

Fari Kolloni
Agjencia e Lajmeve
www.opoja.net