Opoja.net
Meka Mish

Mish me bamje

Një gjellë e shijshme dhe një shoqëruese e mirë për një vakt dimëror.

Për 4-5 persona duhen:

* 500 gr mish
* 1,5 kg bamje
* 2 filxhanë kafeje vaj
* 2 kokrra qepë 
* 4-5 kokrra domate
* kripë, piper i zi, uthull 2-3 lugë gjelle, majdanoz.

Përgatitja:

Bamjet pastrohen duke u prerë bishtin në formë konike, spërkaten me uthull e kripë dhe lihen për disa kohë që t’u zbutet pushi. Copat e mishit skuqen bashkë me qepët e grira hollë; pastaj shtohen domatet ose salcë domatesh.

Pasi të jenë kaurdisur të gjitha së bashku, u hidhet kripë, piper i zi, fletë dafine dhe zihen në zjarr të ngadaltë për disa minuta.

Në qoftë se mishi është i qengjit në të njëjtën kohë me të vihen edhe bamjet, kurse në qoftë se mishi është i madh, atëherë bamjet vihen më vonë. Bamjet shpërlahen, kullohen dhe kaurdisen pak në fultere me yndyrë.

Në një tenxhere të cekët shtrohen feta domatesh, rreth e qark bamje të reshtura me bisht anash dhe majat në mes, duke spërkatur çdo rresht me majdanoz e piper të zi.

Në mes të tenxheres në vendin e zbrazët, pa bamje, vendoset mishi, hidhet lëngu, vihet brenda një pjatë porcelani e përmbysur në mënyrë që ato të ruajnë formën gjatë zierjes dhe pastaj kapaku.

Gjella vihet në zjarr të ngadaltë derisa të bëhet gati. Në fund ajo vendoset në pjata, ku në mes vihet mishi, ndërsa anash bamjet e rreshtuara bukur, duke u hedhur sipër lëngun e vet dhe majdanoz të grirë hollë.

Ju bëftë mirë,  transmeton Telegrafi.

Mos i humb

Bukë e zezë pa gluten

Opoja.net

Supa marokene e Ramazanit, Harira

Opoja.net

File pule e mbushur

Opoja.net

Musaka me makarona: Drekë e shpejtë kur nuk dëshironi të zieni gjellë!

Opoja.net

Mish pule në salcën më kremoze: Drekë për vetëm gjysmë ore!

Opoja.net

Bakllava tradicionale

Opoja.net
Agjencia e Lajmeve
www.opoja.net