Opoja.net

Paditet Komuna e Dragashit

Aktuale Opoja

Institucioni, i cili mbikëqyr punën e komunave të Kosovës, ka vendosur të ndërmarrë hapa ligjorë ndaj disa prej tyre.

Është Komuna e Dragashit ndaj së cilës MAPL-ja ka nisur procedurat gjyqësore, raporton KTV.

Krejt kjo pasi Komuna e Dragashit nuk i kishte përfillur fare rekomandimet e MAPL-së për rishqyrtimin e vendimit të komunës për emërimin e nënkryetarit të Komunës për komunitete.

Ministria e Administrimit të Pushtetit Lokal kishte kërkuar që të rishqyrtohet vendimi i komunës për zgjedhjen e nënkryetarit për komunitete, Sherif Aga.

Kjo pasi, me legjislacionin në fuqi, ky post duhet t’i takojë komunitetit që ka përqindje më të lartë, që në këtë rast është komuniteti goran, që përbën 24 për qind të popullsisë.

Mirëpo, kryetari i Komunës së Dragashit, Shaban Shabani, nëpërmjet telefonit ka thënë se ata besojnë që vendimin për emërimin e kanë bërë në bazë të Ligjit për vetëqeverisje lokale. Megjithatë, Shabani ka theksuar se çdo vendim të gjykatës në të ardhmen, do ta zbatojë.

E përveç Dragashit, MAPL-ja ka paralajmëruar padi edhe për disa komuna tjera, të cilat gjithashtu nuk i kanë marrë parasysh kërkesat për rishqyrtim të akteve të nxjerra.

Qysh në fillim të vitit, MAPL-ja, nëpërmjet një shkrese dërguar komunave të Kosovës, i kishte paralajmëruar se do t’i procedojë në gjykatë ato komuna të cilat nuk i trajtojnë me kujdes kërkesat për rishqyrtim dhe harmonizim të akteve në pajtim me ligjet në fuqi.

Ndryshe, janë 9 komuna, që kanë nxjerrë akte nënligjore në mënyrë të kundërligjshme, e të cilat gjithashtu nuk i kanë marrë parasysh kërkesat e MAPL-së për harmonizimin e këtyre akteve.

Mos i humb

DKA në Dragash në koordinim me MASHT edhe këtë vit ka vazhduar me trajnimin e mësimdhënësve

Opoja.net

Familja Kasami nga Bresana shëmbëlltyrë për të mirë!

Opoja.net

Pamje rrënqethëse nga lufta në rrethinën e Dragashit, kufomat e njerëzve në bunar e lumë

Opoja.net

Hidhen mbetjet e kafshëve në deponinë Zhur – Dragash, e cila është e destinuar për mbeturina të ngurta

Kushtrim Guraj

Zgjerimi dhe rehabilitimi i rrugës Zhur – Dragash – Brod

Opoja.net

Afrohen zgjedhjet, Kadri Veseli shkon në xhami…!

Kushtrim Guraj
Agjencia e Lajmeve
www.opoja.net