Opoja.net
Meka Mish

Përfaqësuesja e Kosovës mbajti stërvitjen e parë para ndeshjes ndaj Maltës

Përfaqësuesja e Kosovës ka mbajtur stërvitjen e parë në stadiumin “Fadil Vokrri” në Prishtinë, në prag të ndeshjes ndaj Maltës në kuadër të Ligës së Kombeve.

Duket se rezultatet e mira që arritëm në dy ndeshjet e para kualifikuese kundër  Azerbajxhanit baras dhe fitorja 2:0 kundër Ishujve Faroe, ka bërë që futbollistët e Përfaqësueses së Kosovës  të jenë në disponim para dy ndeshjeve tjera, Maltës këtu në Kosovë dhe kundër Ishujve Faroe si mysafirë.

Atmosfera e mirë, puna me zell e përkushtim sot (e hënë) në stërvitjen e parë fletë shumë në dobi të kësaj.

Në seancën e sotme  stërvitore, përzgjedhësi Challandes u fokusua në një lojë të ngjeshur në mbrojtje me kundërzbritje të shpejta sikur edhe gjuajtjet e lira dhe nga pika e bardhë përbënin disa nga elementet e punës së ditë së parë.

Nesër (e martë), Kosova do të mbajë vetëm një stërvitje në orën 18:00 ndonëse ishte paraparë të mbahet edhe një paradite.

Pas stërvitjes folën edhe kapiteni Samir Ujkani dhe prurja e re, sulmuesi Lirim Kastrati:

“Ishte një stërvitje e mirë dhe ne do të vazhdojmë të punojmë edhe më shumë dhe me intensitet më të lartë duke marrë parasysh se kemi vetë tri ditë para ndeshjes kundër Maltës. Edhe pse jemi favoritë ne duhet të i qasemi ndeshjes me seriozitetin më të madh. Besoj shumë ne rezultat të mirë”, ka thënë Ujkani.

“Ishte ëndërr e imja që të luaja për Kombëtaren A dhe kjo u bë realitet. Me kanë pritur jashtëzakonisht mirë. Unë do të përpiqem të jap maksimumin tim nëse do të vendos përzgjedhësi që të me inkuadrojë dhe nuk është me rëndësi se nga cila minutë  fillojë”, ka thënë Kastrati. /Telegrafi/

Mos i humb

Xhaka e Rashica nderojnë Fadil Vokrrin para ndeshjes së yjeve në kryeqytet

Opoja.net

FFK del me njoftim rreth shitjes së biletave për ndeshjen Angli–Kosovë

Opoja.net

Prezantohet projekti për stadiumin Kombëtar të Kosovës

Opoja.net

Kosova me ngritje të madhe në FIFA, tjetër rekord nga Dardanët

Opoja.net

Top 5 shënuesit më të mirë të Kosovës

Opoja.net

UEFA zgjedh driblimin e Rashicës si më të mirin nga ndeshjet kualifikuese për Evropian

Opoja.net
Agjencia e Lajmeve
www.opoja.net