Opoja.net

Përse myslimanët i duan macet, ndërsa qentë më pak?!

Kuriozitete

Profeti Muhamed ishte një adhurues i kafshëve. Kjo është arsyeja përse trajtimi i kafshëve në islam është shumë i rëndësishëm. Si duket kjo dukuri në Bibël?

Ata që i trajtojnë mirë kafshët, do të shpërblehen. Ata që i keqtrajtojnë, ata do të dënohen. Kjo është aq e thjeshtë është në islam, thotë Fahredin Bunjaku. Imami i xhamisë shqiptare në Cyrih-Schwamendingen mban gjatë javës një ligjëratë në lidhje me kafshët në islam dhe në bibël, së bashku me kolegun e tij reformist, Jiri Dvoracek, shkruan “SRF”, përcjell Albinfo.ch.

“Profeti ynë Muhamed i donte shumë kafshët, sidomos macet”, thotë Fahredin Bunjaku. Posaçërisht në hadithet, në traditat e jetës së Muhamedit, ka shumë histori që vërtetojnë këtë. Pra, profeti kishte bërë një vizitë ngushëllimi tek një djalë, zogu i të cilit kishte ngordhur. Dhe ai gjithmonë i kishte paralajmëruar personat që kanë keqtrajtuar kafshët e tyre, “Frikësojuni Perëndisë në trajtimin tuaj ndaj kafshëve”.

Mirëqenia e kafshëve është shumë e rëndësishme për myslimanët. “Duhet të jemi të mëshirshëm me kafshët dhe t’i trajtojmë në mënyrën se si ne, njerëzit duam të trajtohemi”, thotë Fahredin Bunjaku. Megjithatë, jo të gjitha kafshët në islam janë të njëjta. Veçanërisht të respektuara janë macet – ashtu si edhe bletët, “të cilat myslimanët i respektojnë për zellin e tyre”, shpjegon imami.

Nga ana tjetër, islami gjithashtu njeh kafshë “të papastra” siç janë qentë apo derrat. “Kjo nuk do të thotë që ne nuk i pëlqejmë kafshët”, thekson Fahredin Bunjaku. Por islami ndalon qentë të jetojnë në të njëjtën shtëpi si njerëzit. Ai personalisht nuk njeh ndonjë mysliman që mban një qen si një kafshë shtëpie, madje edhe në Zvicër.

Kurani kështu ka rregulla të qarta kur është fjala për t’u marrë me kafshët. E Bibla? Pastori Jiri Dvoracek ka folur për një tablo të dyfishtë: Nga njëra anë, kafshët janë diçka e veçantë, diçka e vlefshme për t`i mbrojtur: “Kafshët janë krijesa të Perëndisë. Ato janë pjesë e shpirtit të madh dhe shërbejnë si shembull në shumë histori”, thotë pastori i reformuar.

Nga ana tjetër, Bibla e bën të qartë se kafshët i nënshtrohen sundimit të njeriut. “Perëndia njeriut i ka dhënë detyrë në dhënien e emrave të kafshëve”, spjegon Jiri Dvoracek. Për shekuj me radhë, kjo është konsideruar si një justifikim për keqtrajtimin e kafshëve. “Në këtë kuptim, njeriu është fajtor për kafshët”.

Të dy predikuesit fetarë besojnë se shkrimet e shenjta i mësojnë njerëzit se si duhet të sillen me përgjegjësi me kafshët, njofton Albinfo.ch. Por, gjithashtu është e qartë se ka pika të diskutueshme si në Kuran ashtu edhe në Bibël.

Dhe çfarë i habiti imamin dhe pastorin më shumë, kur ata po debatonin me bisedat e tyre të përbashkëta? “Vazhdimësia”, thotë Jiri Dvoracek. Në tregimet individuale, sikurse te ai i devesë, e cila kalon nëpër ngushticë, mund të vërehet se Bibla dhe Kurani kanë rrënjë të përbashkëta. Imam Fahredin Bunjaku u habit nga diçka më të çuditshme: “Kurani njeh 30 lloje kafshësh, ndërsa Bibla 130. Asnjëherë nuk do ta kisha menduar këtë”.

Mos i humb

Fakte interesante rreth e-maileve të punës

Opoja.net

Çfarë është inteligjenca dhe si matet?

Opoja.net

Gjuha arabe është e jashtëzakonshme

Opoja.net

Menduan se fituan ndeshjen e futbollit, filluan të festojnë – por “topi kishte ide të tjera”!

Opoja.net

Sa bakshish duhet të lini në vendet evropiane?

Opoja.net

Ky Golf 2 i ka 1.200 kuaj fuqi dhe është më i shpejtë se Bugatti Chiron

Opoja.net
Agjencia e Lajmeve
www.opoja.net