Opoja.net
Meka Mish

Real Madrid 10-0 Barcelona: Pse katalunasit nuk i shkarkojnë kurrë trajnerët e tyre?

Të hënën, Real Madrid e caktoi Zinedine Zidane si trajnerin e tretë të këtij sezoni pasi Santiago Solari u shkarkua.

Shkarkimet e trajnerëve janë bërë dukuri e rregullt në Santiago Bernabeu, gjë që është në kontrast të thellë me mënyrën se si funksionon Barcelona.

Louis Van Gaal ishte trajneri i fundit që u shkarkua nga klubi katalanas në janar 2003, kur Joan Gaspart ishte ende president.

Që atëherë, çdo trajner ka shkuar deri në fund të kontratës së tyre nën presidencat e Joan Laporta, Sandro Rosell dhe Josep Maria Bartomeu.

Frank Rijkaard i kaloi pesë sezone në Camp Nou, me presidentin Laporta, që i dha atij gjithmonë mbështetjen e tij të plotë, madje edhe kur ai nuk i kishte punët mirë.

Holandezi që e fitoi titullin e dytë të Ligës së Kampionëve për klubin, kishte ofertë nga Laporta ta rinovonte kontratën e tij para se të largohej në vitin 2008.

Pep Guardiola kaloi aq kohë sa ai donte si trajner i Barcelonës derisa dha dorëheqjen në fund të sezonit të tij të katërt, ku nuk e kishte fituar as La Ligën e as Ligën e Kampionëve.

Problemet shëndetësore të Tito Vilanovës e detyruan atë të largohej nga roli i tij si trajner dhe të zëvendësohet nga Tata Martino.

Argjentinasi e nisi vitin dhe e kreu për tu larguar, duke i dhënë rrugë Luis Enriques të merrte drejtimin pë të sunduar dhe për të fituar kurorën e trefishtë në sezonin e tij të parë.

Enrique u largua në fund të kontratës së tij në 2017 dhe shefi aktual Ernesto Valverde ka rinovuar kontratën e tij për një vit tjetër.

Në këtë kohë, 12 trajnerë kanë dështuar të arrijnë në fundin e kontratës së tyre në Real Madrid.

Vicente Del Bosque dhe Jose Mourinho zgjodhën të largoheshin në fund të marrëveshjeve të tyre, ndërsa Zinedine Zidane dha dorëheqjen verën e kaluar.

Që nga viti 2003, të gjithë u shkarkuan gjatë presidencave të Florentino Perez dhe Roman Calderon, janë trajner si:  Carlos Quieroz, Mariano Garcia Remon, Vanderlei Luxemburgo, Fabio Capello, Bernd Schuster, Mauricio Pellegrini, Carlo Ancelotti, Rafa Benitez, Julen Lopetegui dhe Solari.

Juan Ramon Lopez Caro dhe Juande Ramos ishin trajner të përkohshëm. /Telegrafi/

Gjiganti

Mos i humb

Zyrtari i UEFA-s, Favre: Kosova të fokusohet në investimet në infrastrukturë

Opoja.net

Fansat nisin një fushatë për Vedat Muriqin: Eja në Fanerbahçe

Opoja.net

Chelsea do ta shkarkojë Maurizio Sarrin, legjenda Frank Lampard trajner i ri?

Opoja.net

Rashica flet për sezonin e jashtëzakonshëm që kaloi te Werderi: Vit pozitiv, edicionin tjetër do bëjmë edhe më mirë

Opoja.net

Mbappe ia hap derën Realit: E ardhmja ime mund të jetë diku tjetër

Opoja.net

Mustafi afër kalimit te Milani

Opoja.net
Agjencia e Lajmeve
www.opoja.net