Opoja.net

SBASHK-u u kërkon falje nxënësve: Ndoshta me muaj s’do të ketë mësim

Kosova
SBASHK-u u kërkon falje nxënësve: Ndoshta me muaj s’do të ketë mësim

Në prag të grevës së përgjithshme në arsim, nga e hëna (14 janar), kreu i Sindikatës së Bashkuar të Arsimit Shkencës dhe Kulturës (SBASHK) përmes një letre publike ka kërkuar mirëkuptim nga nxënësit për orët që do t’i humbin ndoshta edhe me muaj si dhe për vogëlushet në çerdhe që edhe ata s’do të kenë mundësi t’i takojnë moshatarët e vet, por edhe edukatoret e tyre të dashura.

Në letrën publikë të SBASHK-ut, thuhet se në grevë po hyjnë “jo pse këtë e dëshirojnë edukatoret, mësuesit, profesorët universitar dhe i tërë stafi i të punësuarve në arsim, por kjo grevë u imponua për shkak se negociatat për plotësimin e kërkesave nuk dhanë rezultate”.

Më poshtë lexojeni të plotë letrën:

Të dashur nxënës dhe student, e ju të nderuar prindër të tyre,

SBASHK-u ju drejtohet përmes kësaj letre me një apel publik për mirëkuptim, për orët që do ti humbni ndoshta edhe me muaj si dhe për vogëlushet në çerdhe që edhe ata s’do të kenë mundësi ti takojnë moshatarët e vet, por edhe edukatoret e tyre të dashura, jo pse këtë e dëshirojnë edukatoret, mësuesit, profesorët universitar dhe i tërë stafi i të punësuarve në arsim, por kjo grevë u imponua për shkak se negociatat për plotësimin e kërkesave nuk dhanë rezultate.

Ju bëjmë apel ju të gjithë të lartpërmendurve, që të dilni në mbështetje të edukatorëve e mësuesve të fëmijëve tuaj në mënyrë qe këta në ligjin e pagave mos të mbesin me koeficient më të vogël se vozitësit dhe truprojat e krerëve të shtetit, dhe mos lejoni që disa sektorë të caktuar të kenë pagën deri në 88% më të madhe se sa mësuesit e fëmijëve tuaj.

Përkrahja e juaj ashtë shumë e rëndësishme për edukatorët dhe mësimdhënësit, se me këtë do ta ngrisni moralin e tyre dhe me këtë ata nuk do të ndihen të vetmuar, por njëkohësisht do të kontribuoni që Qeveria dhe Kuvendi do ta plotësojnë kërkesën e arsyeshme të punëtorëve të arsimit.

Gjithashtu apel ju bëjmë edhe Deputetëve të Parlamentit të Kosovës, një pjesë e të cilëve ishin punëtorë të arsimit, që të gjejnë kurajo ta ndërpresin pushimin dhe të takohen, dhe ta analizojnë në detaje ligjin e pagave, por edhe tabelën 1 shtojcë të këtij ligji sepse aty lehtë mund të vërejnë sa janë dëmtuar të punësuarit në arsim, dhe të korrigjojnë këtë gabim të qëllimtë apo të pa qëllimtë të ministrit Yagcilar se bashku me komisionin hartues të këtij ligji.

Ta thirrni në interpelancë ministrin Yagcilar për këtë degradim që iu është bërë punëtorëve në sektorin publik në arsim, krahas të punësuarve në sektorët tjerë.

Gjithashtu nëse deputetet e kanë të pamundur ti rregullojnë defektet e shumta në ketë ligj, ta kthejnë të hartuesi për përmirësim.

Bashkangjitur gjeni edhe orarin e vizitave te Kryetarit të SBASHK-u dhe Kryetareve te Sindikatave Komunale për ditën e parë të grevës me datë 14.01.2019.

Me respekt,

Rrahman Jasharaj, Kryetar i SBASHK-ut

Mos i humb

Prizren, BIK ndan mishin me veturë të kufomave (Video)

Opoja.net

Kolona të gjata në Merdare, bashkatdhetarët po presin deri në pesë orë

Opoja.net

I pastrehë e i palëvizshëm, tani vullnetar i Halil Kastratit

Opoja.net

Taksa 100 për qind rrit importin e mallrave përmes transportit hekurudhor

Opoja.net

Bashkësia Islame e Kosovës tregon krejt çfarë ka ndodhur me mishin e asgjësuar nga AUVK

Opoja.net

Resul Sinani aderon në AAK

Opoja.net
Agjencia e Lajmeve
www.opoja.net