Opoja.net

11 vite nga miratimi i himnit shtetëror

Kosova
11 vite nga miratimi i himnit shtetëror

Himni shtetëror i Republikës së Kosovës sot mbush 11 vjet nga miratimi në Kuvendin e shtetit të ri, që kishte shpallur pavarësinë disa muaj më parë, në 17 shkurtin historik të vitit 2008.

Propozimi me shifrën “Europa” u miratua në 11 qershor 2008 në një seancë të veçantë të Kuvendit 120 anëtarësh si Himn shtetëror i Republikës së Kosovës, me 72 vota për, 15 kundër dhe 5 abstenime.

Kompozitori Mendi Mengjiqi është autor i melodisë pa tekst, e përzgjedhur mes 134 propozimeve të paraqitura në konkursin publik për Himnin. Komisioni për Simbolet Shtetërore të Kosovës kishte dërguar në Kuvend tre propozime, ndërsa Kryesia e Kuvendit dhe shefat e grupeve parlamentare nxorën në votim vetëm propozimin e parë – melodinë me shifrën “Europa”.

Në seancë plenare, deputetët u ngritën më këmbë për të nderuar himnin e Republikës së Kosovës, të transmetuar në sallën e Kuvendit.

Në prag të 15 qershorit 2008, ditës së hyrjes në fuqi të Kushtetutës, shteti i ri i Kosovës me himnin i plotësoi simbolet shtetërore, pasi Kuvendi kishte miratuar edhe flamurin e stemën që në 17 shkurt, në ditën e shpalljes së Pavarësisë.

Himni shtetëror i Republikës së Kosovës kishte një konkurrencë të madhe, nga 134 propozimet 110 ishin nga Kosova, ndërsa 24 nga shtetet tjera të botës: 7 prej Francës, 5 prej Shqipërisë, nga 2 prej Gjermanisë, Suedisë e Sllovenisë, nga 1 prej SHBA-së, Britanisë së Madhe, Holandës, Rusisë, Zelandës së Re dhe Kroacisë.

Autori i Himnit, kompozitori Mengjiqi menjëherë pas miratimit të melodisë ka thënë se pret që me kohë ajo të bëhet edhe me tekst./kp/Telegrafi/

Loading...

Mos i humb

Sot veteranët e dorëzojnë kërkesën në Kuvend për ndryshimin e ligjit të Speciales

Opoja.net

Mjeku Bajgora: Emërgjenca e stërngarkuar, po pranojmë 200-230 raste në ditë

Opoja.net

Gjashtë muaj luftë me pandeminë, mjekët në Kosovë të stërlodhur

Opoja.net

Kryetari i SBASHK-ut: Mësimi do të ndërpritet nëse situata me Covid-19 përshkallëzohet

Opoja.net

Qeveria e Kosovës miraton dhe publikon 15 masat e Programit të Rimëkëmbjes Ekonomike

Opoja.net

Mjeku tregon gjendjen shëndetësore të birit të Thaçit pas aksidentit

Opoja.net
Agjencia e Lajmeve
www.opoja.net