Opoja.net

317 raste të reja me COVID-19 dhe katër të vdekur në Maqedoni

Rajoni
317 raste të reja me COVID-19 dhe katër të vdekur në Maqedoni

Është rritur ndejshëm numri i të infektuarve me koronavirus në Maqedoninë e Veriut.

Në 24-orëshin e fundit, në Maqedoninë e Veriut janë shënuar 317 raste të reja pozitive me COVID-19, derisa kanë vdekur katër pacientë.

Me këtë, numri i të prekurve është rritur në 19.413, kurse i të vdekurve në 772.

Gjatë 24-orëve të fundit janë shëruar 104 pacientë, duke e çuar totalin në 15.749.

Njëherësh ky bilanc paraqet numrin më të madh të pacientëve me koronavirus që nga fillimi i pandemisë.

Në Shkup janë regjistruar 182 raste, në Koçan 18, në Shtip 13 dhe në Kumanovë, Strumicë dhe Gjevgjeli nga 12 raste. Gostivari ka regjistruar 11 raste të reja ndërsa qytetet tjera nën 10 të infektuar. Indeksi i të infektuarve në raport me numrin e testeve sot shënon 16 për qind, duke regjistruar probabilitetin më të madh në 10 ditët e fundit.

Sot më shumë të shëruar janë regjistruar në Shkup, Prilep dhe Kumanovë. Pas Shkupit i cili ka 1166 raste aktive, qytetet me numrin më të madh të rasteve aktive janë Strumica, Koçani, Tetova dhe Kumanova ndërsa në qytetet tjera ka nën 100 raste aktive.

Në kuadër të qytetit të Shkupit, më shumë raste aktive ka në Komunën Qendër, Aerodrom, Karposh, Kisella Vodë, Gazi Babë dhe Gjorçe Petrov. Ministri i Shëndetësisë, Venko Filipçe mbrëmë ka njoftuar se rritjen bilancit ditëve të fundit vendi është futur në fazën e pritur të virusit në vjeshtë. Sipas tij, në këtë situatë masat kufizuese janë mese të nevojshme. Filipçe ka shtuar se kufizimet dhe masat janë mjeti i vetëm për t’u mbrojtur nga pandemia, duke i bërë thirrje qytetarëve t’i respektojnë masat dhe të evitojnë lëvizjet e panevojshme. /Alsat

Ky pritet të jetë kabineti i Joe Biden

Opoja.net

Sot një vjet bota ndryshoi, si u paraqit rasti i parë me Covid-19

Opoja.net

Tragjedia në Zvicër: Vdes 15 vjeçari kosovar, pasi u godit nga treni

Opoja.net
Agjencia e Lajmeve
www.opoja.net