Opoja.net

Agjencia e Ushqimit asgjëson 21 tonë mish në depon e Bashkësisë Islame

Kosova
Agjencia e Ushqimit asgjëson 21 tonë mish në depon e Bashkësisë Islame

Agjencia e Ushqimit dhe Veterinarisë ka asgjësuar rreth 21 tonë mish, lloji i gjedhit në një depo të Bashkësisë Islame të Kosovës.

AUK pas kontrollit në BIK ka konstatuar se mishi i cili gjendej në depo ishte prishur dhe se nuk i plotëson kushtet për konsum.

Këtë e ka konfirmuar për Telegrafin, zëdhënësi i AUK, Lamir Thaçi.

Ai ka thënë se inspektorët kanë kontrolluar mishin në depot e BIK-ut, dhe kanë vlerësuar se mishi nuk është ngrirë në kohë.

“Kapaciteti ftohës i depos nuk ka arritur që të ngrijë mishin në temperaturën e nevojshme ruajtëse dhe si pasojë ka ardhë deri tek kontaminimi apo prishja e mishit. Nga kontrolli fizik dhe organoleptik është konstatuar se mishi ka filluar të ndërrojë ngjyrë, disa nga paketimet kanë pasur rrjedhje gjaku, që dëshmon se mishi është shkrirë e ri-ngrirë dhe ka filluar të kundërmojë erë (ka filluar procesi i putrifikimit)”, ka thënë zëdhënësi i AUV, Lamir Thaçi.

Thaçi shtoi se vendimi për asgjësimin e mishit është marrë bazuar në të gjeturat gjatë kontrollit.

“Bazuar në ligjet në fuqi dhe procedurave standarde të kontrollit, bazuar në të gjeturat e lartëcekura, inspektorët kanë vendosur që të bëhet asgjësimi i gjithë sasisë prej 21 tonë për shkak sepse nuk i plotëson kushtet për konsum”, pohoi ai. /Telegrafi/

Loading...

Mos i humb

Mehmeti e Mazreku diskutojnë për uljen e numrit të automjeteve të paregjistruara

Opoja.net

Presidenti Thaçi udhëton për në Zvicër, merr pjesë në Forumin Botëror Ekonomik të Davosit

Opoja.net

Prizren: Regjistrohet dita pa asnjë lindje në spital

Opoja.net

Halimi: Duhet t’u ofrohet perspektivë qytetarëve që në mendje e kanë ikjen nga Kosova

Opoja.net

Dukuria e fajdeve shënon rritje krahasuar me një vit më parë

Opoja.net

Dhjetë mijë nxënës braktisin shkollat e Kosovës

Opoja.net
Agjencia e Lajmeve
www.opoja.net