Opoja.net

Aksion masiv i Policisë në qendër të Prizrenit, 13 persona nën pranga

Kosova
Aksion masiv i Policisë në qendër të Prizrenit, 13 persona nën pranga

Policia e Kosovës ka marrë një aksion masiv në qendër të qytetit të Prizrenit ku si rezultat 13 persona kanë përfunduar nën pranga dhe janë shoqëruar për në stacionin policor.

Aksioni ka ndodhur rreth orës 19:00, pasi policia ka marrë një informacion se në rrugën “Vranduk” në sheshin Shatërvan, ndodheshin disa persona në një objekt dhe ushtronin veprimtari të kundërligjshme.

Sipas zyrtarit Vesel Gashi, njësitet policore në koordinim me prokurorin e rastit kanë intervenuar në bodrumin e një objekti në qendër të Prizrenit ku ndodheshin disa persona, të cilët më pas u arrestuan nën dyshimin se kanë kryer veprimtari të paligjshme.

Me këtë rast, Policia e Kosovës ka shoqëruar 13 të dyshuar dhe ka bërë sekuestrimin e gjësendeve të ndryshme si prova materiale, raporton Tv Prizreni.

Sipas Gashit, dyshohet se në këtë objekt është ushtruar veprimtaria e paligjshme e lojërave të fatit.

Së shpejti pritet përurimi i “Shtëpisë së të Moshuarve” në Gjinoc të Suharekës

Opoja.net

Kosova lufton me COVID-19/ Spitale të stërngarkuara, mungesë e barnave e numër i lartë i rasteve aktive

Opoja.net

“Kush ka humbur vendin e punës në pandemi do të merr 900 euro”

Opoja.net
Agjencia e Lajmeve
www.opoja.net