Opoja.net

Bashkimi Evropian mirëpret vendimin për heqjen e homologimit për veturat e reja

Kosova
Bashkimi Evropian mirëpret vendimin për heqjen e homologimit për veturat e reja

Zyra e Bashkimit Evropian në Kosovë e ka mirëpritur vendimin e Ministrisë së Infrastrukturës që të anulohet homologimi për veturat e reja të importuara.

Përmes një reagimi në faqen zyrtare të Facebook, BE ka shkruar se kjo po shihet si hap i duhur për heqjen e barrierave për tregti që janë të dëmshme për konsumatorët e Kosovës.

Zyra e Bashkimit Evropian ka kërkuar që kjo qasje të zbatohet për të gjitha automjetet e importuara që përputhen me standardet e BE, përfshirë automjetet e dorës së dytë.

“Zyra e Bashkimit Evropian në Kosovë mirëpret vendimin e Ministrisë së Infrastrukturës që të anulojë ✖ homologimin për automjete të reja të importuara 🚙🚗 të prodhuara për tregun e BE-së, si hapi i duhur për heqjen e barrierave për tregti që janë të dëmshme për konsumatorët e Kosovës. Ne presim që e njëjta qasje të zbatohet për të gjitha automjetet e importuara që përputhen me standardet e BE përfshirë automjetet e dorës së dytë”, shkruhet në reagimin e BE-së.

Ndryshe tre muaj më parë deputetët e Kuvendit të Kosovës me 62 vota për dhe dy abstenim ka votuar rezolutën për heqjen e monopolit të homologimit.

Po ashtu u kërkua që të shfuqizohet udhëzimi administrativ për procedurën për homologim dhe të hyjë në fuqi një udhëzim i ri administrativ.

Në Kuvend të Kosovës për këtë çështje ishte dorëzuar edhe një peticion i nënshkruar nga më shumë se 10 mijë qytetarë./Telegrafi/

Loading...

Mos i humb

Lajm i mirë për ata që ende s’i morën 170 euro dhe aplikuesit e tjerë nga Pakoja e kaluar

Opoja.net

35 raste të reja me koronavirus në Ferizaj, një pacient i shëruar

Opoja.net

Situata me koronavirus në Pejë, rreth 60 raste aktive

Opoja.net

KEK-u sqaron në lidhje me angazhimin e kompanisë “ALSTOM” në KEK

Opoja.net

Erërat e fuqishme në Prizren, 56 shtëpi mbesin pa rrymë pasi u rrëzuan shtyllat elektrike

Opoja.net

Ja sa personave sot iu bë pagesa prej 170 euro

Opoja.net
Agjencia e Lajmeve
www.opoja.net