Opoja.net

Bëhen mjekë në shkolla shqiptare, ikin të punojnë në Gjermani

Kosova

Pak kohë më parë, ministri gjerman i Shëndetësisë deklaroi se janë 25 000 vende të lira pune në Republikën e Gjermanisë për infermierë.

Ai specifikoi vende si Shqipëria dhe Kosova për nivelin e lartë arsimor që kanë infermierët tanë dhe për motivimin po ashtu të lartë që ata kanë për të ndërtuar të ardhmen e tyre në Gjermani.

Prej tre vitesh në Shqipëri kryen aktivitet akademia Dekra. Drejtoresha e akademisë, Jonida Gjuzi Bushi shprehet: “Çdo infermier që dëshiron që të punësohet në Gjermani duhet të ketë një certifikatë të nivelit B2, duhet të bëjë provimin e licencës që zhvillohet në Gjermani dhe më pas punëdhënësit vijnë tek ne për të përzgjedhur infermierët që duan”.

Dekra ka kontrata me punëdhënës në Gjermani. Akademia e ka nisur aktivitetin në vitin 2015 dhe së fundmi ofron kurse edhe për inxhinierë IT. Kjo akademi ka filiale në 10 qytete të Shqipërisë.

Raldo dhe Arsina janë të fejuar, të dy infermierë të diplomuar.

“Një spital nuk më ka pranuar për mungesë eksperience. Jam marrë me punë të tjera”, thotë Raldo.

Të dy kanë 6 vite që e kanë përfunduar shkollën. Tani kanë firmosur një kontratë pune me një klinikë në Erfurt dhe i kanë vënë vetes detyrë që të kapërcejnë çdo vështirësi fillimi dhe të mos kthehen më në Shqipëri.

Edhe kursantët e tjerë i bashkon i njëjti qëllim: ikja.

“Nuk ka stabilitet puna këtu te ne. Jetojmë me vështirësi, mbijetojmë”, thonë kursantët.

Janë rreth 800 infermierë të punësuar deri tani në Gjermani nga kjo akademi, ndërkohë që disa prej tyre kanë përfunduar nëpër artikuj gazetash për mirë. Në një prej rasteve, një artikull kushtuar një infermieri shqiptar titullohet “Shpëtimi që vjen nga Shqipëria”.

Loading...

Mos i humb

Banka Botërore: Ballkani Perëndimor mund të jetë në prag të varfërisë

Opoja.net

Presidenti Thaçi mbërrin në Hagë për t’u intervistuar nesër nga Specialja

Opoja.net

Bizneset kërkojnë shtyrje të kësteve për kredi, BQK-ja thotë se ka bërë një zgjidhje më të mirë

Opoja.net

Lajçak flet pas përfundimit takimit Hoti – Vuçiq: Dialogu është kthyer në binarë

Opoja.net

Një ditë para nisjes në Hagë, Thaçi përkulet para varrit të Adem Demaçit

Opoja.net

Gjendja e jashtëzakonshme në Kosovë mund të shpallet sot

Opoja.net
Agjencia e Lajmeve
www.opoja.net