Opoja.net

Bersant Celina vazhdon kontratën me Cityn

Sport
Bersant Celina vazhdon kontratën me Cityn

Futbollisti kosovar Bersant Celina ka vendosur që të ardhmen e tij ta vazhdojë me Manchester Cityn.

Sulmuesi 19 vjeçar ka nënshkruar kontratë të re që do ta mbajë atë në Etihad Stadium deri më 2020, transmeton Koha.net. Ai është shprehur shumë i lumtur për vazhdimin e kontratës.

“Është një ndjenjë vërtet shumë e mirë, jam shumë krenar të nënshkruaj me klubin që e dua. Nënshkrova pasi dua të qëndroj këtu për një kohë të gjatë dhe të shikoj të ardhmen time. Kam qenë këtu për katër vjet tashmë, dhe klubi ka ndryshuar shumë, dhe është duke u bërë gjithnjë e më konkurrues, arritëm në gjysmëfinale të Ligës së Kampionëve, që tregon se ky është një nga klubet më të mira në botë. Jam shumë i emocionuar të jem pjesë e së ardhmes së këtij klubi”, ka thënë Celina për faqen zyrtare.

Celina tashmë ka debutuar për ekipin e parë në ndeshjen e FA Cup kundër Norëichit në janar. Ai ka falënderuar për besimin trajnerin kilian Manuel Pellegrini.

Maradona nuk ‘mundi të prehej në paqe’, tifozët hynë në ndërtesën e presidencës, policia i largoi me dhunë ata

Kushtrim Guraj

Lajm i papritur nga Argjentina, Maradona ka nënshkruar të mos varroset, zbulohet çfarë ka kërkuar legjenda e futbollit

Kushtrim Guraj

Punonjësi i funeralit bënë foto me kufomën e legjendës argjentinase dhe kritikohet pafundësisht në rrjetet sociale

Kushtrim Guraj
Agjencia e Lajmeve
www.opoja.net