Çdo shkronjë është me ngjyrë!

Kushtrim Guraj Kushtrim Guraj Këndi Letrar

Çdo shkronjë është me ngjyrë!

Nëse fjalor para vetes nuk kemi ndonjëherë,
Le t’ia kërkojmë botës fjalët që s’i kuptojmë!
Se botën e dimë me fjalë, si vjeshtën me erë,
Lëri të tjerët – bile veten të mos e hutojmë!

Çdo gjë që themi është pasqyrë,
Prej nesh varet se a e thyer a e pathyer.
Ne mund të themi diç që është e dëlirë,
E mirë a e sinqertë, por ajo është e lyer!

Ne kur themi fjali, kemi prapa intonacion,
Ngritje a forcë zëri që gramatika i thotë.
Rëndom jemi subjektivë dhe shprehim emocion,
Pa shajmë e fyejmë krijesat në botë.

Askush nuk na përshkruan më mirë se vetja,
Ajo tërësi fjalësh që themi e shkruajmë.
Kaherë gjenerikisht për të folur na kap etja,
Dhe ne gjithsesi e shuajmë, por mandej vuajmë.

Kështu ndodh kur nga heshtja ndahemi,
Që na e mbulon sa kemi dituri e padituri,
Edhe marrëzinë kur me të marrë nuk shahemi,
Dhe tregon sa kemi respekt e modesti.

Përmes fjalësh kuptohet intelekt e zemër,
Se a jemi të ditur dhe a jemi shpirtmirë.
Ndaj kur s’dimë a s’duam të thirrim në emër,
Le t’i vëmë gojës një të madh zinxhir!

Femrat kanë kuptuar mashtrimin mashkullor,
Nga shumë të pavërteta që meshkuj ua kanë thënë.
Si pasojë ato i pëshpërisin njëra-tjetrës çdo orë,
“Mos shiko çfarë mashkulli thotë, po çfarë bën!”

Autor: Arsim Jonuzi

© Opoja.net

/OPOJAnet/

Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.

- Reklama-
- Reklama-