Opoja.net

Challandes: E di që mund t’ia dalim

Sport
Challandes: E di që mund t’ia dalim

Trajneri i Kosovës, Bernard Challandes, është paraqitur në konferencë për shtyp, para ndeshjes me Maqedoninë.

Ai ka thënë se ka ardhur momenti që skuadra ta prek ëndrrën, edhe përkundër mungesave të shumta.

“Tash jemi pranë një momenti kur edhe ëndrrën mund ta prekim, por siç e thatë edhe ju kemi disa probleme, nuk jemi në situatën më perfekt, por Kosova si ekip futbolli ka treguar se di t’i përballoje këto situata, duke i kthyer në favor të vetin”.

“Si trajner, je profesionist dhe nëse sheh vështirësi, atëherë duhet të ndërrosh punën me përgjegjësi, unë e kam të qartë me çka përballem, e shoh se kemi mundësi, shoh se mund të arrijmë diçka si ekip, koha ka ardhur, nuk mund të presim më shumë për të realizuar atë që duam”.

Ai u pyet se a më mirë pa disa lojtarë, a me Maqedoninë pa tifozë në tribuna, duke thënë se do t’i donte tifozët në shkallët e stadiumit, pasi janë pjesa më e rëndësishme e futbollit.

“Me lojtarët e mi ose pa ata, kjo nuk është një pyetje e mirë. Dua të luaj me tifozë, për mua tifozët janë pjesa më e rëndësishme e futbollit. Por duhet ta pranojmë këtë situatë, dhe është e qartë se unë i dua të gjithë futbollistët e mi, por kjo është situata, duhet ta pranojmë”, ka thënë Challandes.

Neymar kthehet me gol te PSG

Kushtrim Guraj

Xhaka refuzon të largohet nga Arsenali

Kushtrim Guraj

Real Madridi publikon listën e lojtarëve ndaj Interit, tri mungesa të mëdha

Kushtrim Guraj
Agjencia e Lajmeve
www.opoja.net