Njoftohen qytetarët se për nder të 11 vjetorit të Pavarësisë së Republikës së Kosovës, 17 Shkurtit do të ketë organizime të ndryshme kulturo-artistike e sportive.
Më datë 15/02/2019, e premte, do të mbahet finalja e volejbollit për femra në sallën sportive në Shkollën e mesme “Ruzhdi Berisha”. Po në këtë datë, në ora 14:00, në Q.S “Qëndresa” në Kapre, do të mbahet finalja e futbollit të vogël mes nxënësve të shkollave fillore, me finaliste shkollat fillore “Ilmi Bahtijari” dhe “28 Nëntori”, kurse nga ora 15:00, në Q.S “Aroma” do të mbahet finalja e futbollit të vogël mes arsimtarëve, mes ekipeve të shkollave fillore “Ulina” dhe “Fetah Sylejmani”.
Të dielën, më datë 17/02/2019, me fillim nga ora 10:00, në sallën e Komunës së Dragashit, mbahet akademia solemne kushtuar kësaj feste, për të vazhduar më pas me vënien e kurorave në Shtatoren e Adem Jasharit, Varrezave të Dëshmorëve në Dragash dhe Buqe.
Më pas, duke filluar nga ora 12:00, Shoqëria kulturore “Bresana” do të bëjë një defile duke filluar nga stacioni i autobusave deri në qendër para komunës. Më pas do të mbahen aktivitete kulturore në Sheshin Adem Jashari.
Pjesëmarrja sa më masovike e juaja në këto manifestime, do ta bëjë edhe më madhështore këtë festë.
Mirë ardhshi!
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
