Opoja.net

“Gazzetta dello Sport” e përfshin Kosovën te “Hirushet”, që ëndërrojnë kualifikimin në Euro 2020

Sport
“Gazzetta dello Sport” e përfshin Kosovën te “Hirushet”, që ëndërrojnë kualifikimin në Euro 2020

Pas ndeshjeve të mbrëmshme kualifikuese të Euro 2020, prestigjiozja italiane Gazzetta dello Sport ka bërë një analizë të saj, duke evidentuar ato kombëtare, që i quan “Hirushe”, të cilat ëndërrojnë të jenë në finalet e Kampionatit Evropian të vitit të ardhshëm.

Këtu përfshin edhe Kosovën, e cila u mund pas 14 ndeshjesh radhazi në fushën e Anglisë, por edhe Armeninë, që është në grupin e Italisë. Ja analiza e saj:

“Ashtu si e “Hirushes” duket historia e deritanishme e një pjese të skuadrave të vogla kombëtare, që ëndërrojnë goditjen e madhe, kualifikimin e befasishëm në Kampionatin Evropian të vitit të ardhshëm. Me renditjet e grupeve në dorë, në fakt, mund të evidentojmë 3 skuadra kombëtare “të vogla” që, 4 xhiro (ndeshje) nga përfundimi i kësaj faze eliminatoresh, janë plotësisht në garë për një vend në finalet e “Euro 2020”, përcjell Telesport.

FINLANDA APO ARMENIA?

Le ta fillojmë nga grupi J, ai i Italisë. Ndërsa blutë kanë pikë të plota, po e mbrojnë me siguri vendin e parë, pas tyre një luftë e ethshme po zhvillohet mes dy skuadrave për vendin e dytë.
Ato nuk janë kualifikuar kurrë për fazën finale të një Kampionati Evropian: Finlanda dhe Armenia.

Finlandezët, të udhëhequr nga Pukki, kanë 12 pikë dhe mbajnë aktualisht vendin e dytë. Kjo, si rezultat i 4 fitoreve dhe 2 humbjeve (kundër Italisë).
Armenët, të ardhur nga një humbje me nder ndaj kombëtares së Mancinit dhe një fitore e madhe ndaj Bosnjës së Dzeko e Pjanic, ndjekin me 9 pikë.

Përplasja direkte është planifikuar në Turku, më 15 tetor. Tri ditë para kësaj sfide, Armenia do të shkojë në Lihtenshtejn dhe Finlanda në Bosnje. Muaji tjetër do të jetë, pra, momenti i së vërtetës, kur do të qartësohen më tej gjërat. Do të nxiten apo do të zbehen shpresat e Mkhitaryan me shokë? Kjo mbetet për t’u parë. Bosnja dhe Greqia (kanë 7 dhe 5 pikë për momentin) do të përpiqen të luajnë shansin e fundit, për t’u rikthyer në lojë.

Loading...

Mos i humb

Top 20 koreografitë më të mira nga tifozët

Opoja.net

Ueb faqja për shitjen e biletave Kosovë- Angli, jashtë funksionit

Opoja.net

Xhaka afër kalimit te Milani

Opoja.net

Challandes publikon listën e lojtarëve të ftuar për ndeshjet me Çekinë dhe Anglinë

Opoja.net

Agjenti Lala dhe drejtori sportiv i Werderit flasin për të ardhmen e Rashicës

Opoja.net

Edon Zhegrova, lojtari më i mirë i ndeshjes Basel – Getafe

Opoja.net
Agjencia e Lajmeve
www.opoja.net