Opoja.net

Google me super-kompjuter 10 mijë vjet më të shpejtë se kompjuteri aktual

Teknologji

Gjiganti teknologjik Google pretendon se ka ndërtuar kompjuterin e parë kuantik, për të llogaritur dhe zgjidhur problemet përtej aftësive të super-kompjuterëve më të fuqishëm të sotëm.

Një raport i studiuesve të Google, i botuar në faqen e internetit të NASA-s dhe më pas i hequr, pretendon se procesori i tyre ishte në gjendje të kryente llogaritjet në afat prej tre minuta e 20 sekonda, për të cilat kompjuterit klasik Summit do të ‘i nevojiteshin rreth 10,000 vjet.

Studiuesit thanë se kjo nënkupton “epërsi kuantike”, kur kompjuterët kuantikë kryejnë llogaritjet që më parë ishin të pamundura.

“Ky përshpejtim dramatik mbi të gjithë algoritmet klasike të njohura mundëson realizimin eksperimental të epërsisë kuantike. Me sa dimë, ky eksperiment shënon llogaritjen e parë që mund të kryhet vetëm në një procesor kuantik,” thuhet në deklaratë.

Ndërsa prototipat e të ashtuquajturve kompjuterë kuantikë ekzistojnë, ata mund të kryejnë të njëjtat detyra që kompjuterët klasikë munden, thjesht më shpejt.

Një raport i vitit 2018 nga Boston Consulting Group thotë se ata mund të “ndryshojnë lojën në fushat e kriptografisë dhe kimisë (dhe kështu materialet shkencë, bujqësi dhe farmaci), veçanërisht ato që lidhen me inteligjencën artificiale dhe makinën e të mësuarit ”.

Për dallim nga elementet themelore binare të kompjuterëve klasikë, bitet kuantike ose kuubitet mund të përfaqësojnë të dy në të njëjtën kohë.

Duke lidhur kuubitet, kompjuterët kuantikë mund të përpunojnë njëkohësisht sasi të madhe informacioni.

Loading...

Mos i humb

Koronavirusi, Apple paralajmëron përdoruesit e saj

Opoja.net

YouTube festoi ditëlindjen e 15-të, platforma që ka sjellë revolucion

Opoja.net

Samsung zbulon linjën e re të televizorëve në Maltë

Opoja.net

Volkswagen, 830 milionë euro dëmshpërblim për klientët e tij

Opoja.net

A e dini pse themi ‘Alo’ kur përgjigjemi në telefon?

Opoja.net

Facebook bashkëpunoi me Reutersin për verifikim të postimeve

Opoja.net
Agjencia e Lajmeve
www.opoja.net