Opoja.net

Haradinaj mirëpret Metën në Prishtinë: Angazhimi i përbashkët përballë sfidave, fuqizon faktorin shqiptar

Kosova
Haradinaj mirëpret Metën në Prishtinë: Angazhimi i përbashkët përballë sfidave, fuqizon faktorin shqiptar

Kreu i AAK-së Ramush Haradinaj, pas dorëheqjes nga posti i Kryeministrit të vendit, në Prishtinë ka mirëpritur presidentin shqiptar, Ilir Meta dhe vajzën e tij, Borën.

Këtë e ka bërë të ditur përmes një postimi në Facebook.

Haradinaj ka shkruar se me Presidentin shqiptar ka këmbyer mendime rreth aktualitetit politik në Kosovë, Shqipëri dhe rajon.

“Kënaqësi e veçantë të takoj sonte në Prishtinë Presidentin e Shqipërisë, Ilir Meta, bashkë vajzën Borën. Rast i mirë për të këmbyer mendime rreth aktualitetit politik në Kosovë, Shqipëri dhe rajon. Në proceset që po kalon Kosova, angazhimi i përbashkët përballë sfidave e fuqizon faktorin shqiptar”, ka shkruar Haradinaj në një postim të bërë në faqen e tij zyrtare Facebook.

Ndryshe, Haradinaj dha dorëheqje nga posti i tij pas marrjes së ftesës nga Gjykata Speciale, për arsyen e vetme, të intervistohet si qytetar i thjeshtë, e jo si kryeministër i Kosovës.

Meta ditën që ka dhënë dorëheqje Haradinaj, pati thënë se është i bindur në pafajësinë e tij.

“Krenar për Ramush Haradinajn dhe i bindur në pafajësinë e tij! Nuk ka pabesi dhe presion që e thyen Burrin e Shtetit dhe Heroin e Kombit! Nga sot të gjithë duhet të flemë më pak, të shqetësohemi më shumë dhe të bashkohemi më fort që Kosova dhe rajoni ynë të jenë të pacenuar në paqen dhe sigurinë tonë, si dhe në të ardhmen europiane”. /Telegrafi/

Loading...

Mos i humb

A ka nevojë Kosova për një Ligj për lobim?

Opoja.net

Javën e ardhshme nis shpërndarja e rreth 100 mijë vaksinave kundër gripit sezonal

Opoja.net

Kthehet prizrenasi Erhan Gjakmani pas operimit në Turqi

Opoja.net

Zyrtari i BE-së: Kosova ka nevojë për arsim cilësor pas rezultateve në testin PISA

Opoja.net

Gjermania përkrah njohjen reciproke të patentë-shoferëve, në janar një delegacion viziton Kosovën

Opoja.net

Bashkësia Islame e Kosovës ndihmon Shqipërinë me mbi 300 mijë euro

Opoja.net
Agjencia e Lajmeve
www.opoja.net