Opoja.net
Meka Mish

Haradinaj thotë se nga vetëdija jonë duhet të burojë konsolidimi i vendit

Kreu i qeverisë Ramsuh Haradinaj, ka thënë se zhvillimi e konsolidimi i vendit duhet të burojnë nga ne, nga vetëdija jonë.

“Jemi me fat që ekspertizën shumë vjeçare britanike e kemi dhuratë dhe këtë duhet ta çmojmë por edhe nderojmë më punë të mirë dhe të ndershme. Vetëm në këtë mënyrë ne e avancojmë edhe vetëdijen tonë dhe dashurinë ndaj atdheut, por edhe respektin për mikun e çmuar të Kosovës, Britaninë e Madhe”, kështu tha kryeministri i Republikës së Kosovës, Ramush Haradinaj, në fjalën e tij gjatë konferencës së projektit të Ambasadës Britanike për Rekrutimin e Pozitave të Larta Drejtuese në Shërbimin Civil dhe Institucionet e Pavarura.

Haradinaj, tha se sot po e shënojnë vitin e tretë të partneritetit me Britaninë e Madhe, si shtet mik i Kosovës në të gjitha proceset e rëndësishme tona, tani edhe duke e përkrahur objektivin e kësaj Qeverie për fuqizimin e qeverisjes së mirë, transparencës dhe llogaridhënies në institucione publike.

“Përmes një partneriteti implementues Ambasada Britanike ka ndihmuar në kthimin e besimit në organet publike por edhe rekrutimin në pozita të larta të shërbimit civil duke e parandaluar nepotizmin dhe duke e konsoliduar transparencën, meritokracinë dhe qeverisjen e mirë. Mirëpo duhet ta pranojmë se kemi edhe lëshime, edhe dëme me të cilat duhet të përballemi”, deklaroi Haradinaj, duke e falënderuar Ambasadën Britanike për përkrahjen që këto lëshime dhe të meta t’i trajtojnë.

Ndër tjerash, Haradinaj sqaroi se deri më tani janë gjithsejtë 44 pozita të larta drejtuese të realizuara përmes partneritetit me Ambasadën Britanike për dy vitet e fundit dhe janë dakorduar edhe për pozita të cilat do të realizohen për periudhën e ardhshme.

“Kuptohet demokracia dhe qeverisja e mirë janë më shumë se qëllime në vete, janë procese. Zhvillimi e konsolidimi i vendit duhet të burojë nga ne, nga vetëdija jonë dhe ende kemi punë për të bërë”, theksoi Haradinaj.

Mos i humb

Universiteti i Prizrenit bën thirrje që studentët të mos shqetësohen

Opoja.net

Zbulohet sa është vlera e pagave që marrin infermierët e Kosovës në Gjermani

Opoja.net

Mbyllet Universiteti i Prizrenit

Opoja.net

Lituania pro heqjes së vizave për Kosovën, Finlanda e rezervuar

Opoja.net

Mërgimtarët ia mësyjnë Kosovës, deri në 30 minuta pritje në Merdare

Opoja.net

Në Kosovë shënohet Dita e Popullsisë

Opoja.net
Agjencia e Lajmeve
www.opoja.net