Opoja.net

Hendboll, Kosova e nis ndaj Italisë fazën kualifikuese për ‘Botërorin 2021’

Sport
Hendboll, Kosova e nis ndaj Italisë fazën kualifikuese për ‘Botërorin 2021’

Skuadra e Kosovës në hendboll ka arritur në Benevento të Italisë, ku do t’i zhvillojë ndeshjet e fazës së parë kualifikuese për Kampionatin Botëror 2021.

Kapiteni i ekipit, Valon Dedaj, është shprehur se është i gatshëm për ta udhëhequr ekipin në sfidat e rëndësishme ndaj Italisë, Rumanisë e Gjeorgjisë.

Ai është shprehur optimist se Kosova do të bëjë hapin e synuar para, nëse të gjithë djemtë japin më të mirën, thuhet në njoftimin e FHK-së.

“Duhet që të gjithë të luajmë në nivel të lartë. Me dy-tre lojtarë nuk është e mundur. Nëse luftojmë si në ndeshjet në Kosovë, atëherë do të jetë shumë mirë. Deri më tani jashtë vendit kemi luajtur më dobët dhe shpresoj që kjo të ndryshojë tani. Ndoshta na ka kushtuar edhe mungesa e përvojës”, ka deklaruar Dedaj

Italia është kundërshtari i parë e Kosovës në fazën e parë të kualifikimeve për Kampionatin Botëror të vitit 2021. Italia e Kosova përballen sot (e premte) nga ora 20:00 në palestrën “Pala Tedeschi” në Benevento të Italisë. Në grupin e tretë bëjnë pjesë edhe Rumania e Gjeorgjia që takohen të premten nga ora 18:00.

“Do të jetë vështirë, kundërshtarët janë të fortë. Por nëse rezultati është i ngushtë, atëherë ne fitojmë zemër dhe të gjithë na frikësohen. Prandaj është me shumë rëndësi që të hyjmë fuqishëm në ndeshje. Këtë ua kam thënë edhe lojtarëve. Me shumë peshë është që edhe konkurrenca është rritur në kombëtaren tonë”, ka shtuar kapiteni.

Loading...

Mos i humb

Messi blen apartament në Milan, po transferohet në Inter?

Fari Kolloni

Pesë futbollistë të Gjilanit rezultojnë pozitivë me COVID-19

Fari Kolloni

Zyrtare: Finalja Drita – Linfield nuk do të luhet

Fari Kolloni

Pse nuk po arrihet marrëveshja Fenerbahce-Lazio për Muriqin, zbulohet arsyeja

Fari Kolloni

Conte e dëshiron Kessie në Inter, vjen reagimi i mënjëhershëm i Milanit

Fari Kolloni

Inter mposht Bayer Leverkusenin, kalon në gjysmëfinale të Europa Ligue

Fari Kolloni
Agjencia e Lajmeve
www.opoja.net