Opoja.net

Hyrja në Gjermani për çiftet e pamartuar, këto janë rregullat e reja

Rajoni
Hyrja në Gjermani për çiftet e pamartuar, këto janë rregullat e reja

Këto janë rregullat e reja për hyrjen në Gjermani për çiftet e pamartuar.

Qeveria Federale Gjermane njofton se partnerët e pamartuar mund të hyjnë në Gjermani nga vendet e treta, të cilat nuk janë në listën “e sigurt” – përfshihet këtu edhe Shqipëria e Kosova – për vizita afatshkurtra te partneri që jeton në Gjermani (gjermanët, shtetasit e BE-së ose shtetasit e vendeve të treta me të drejtën e qëndrimit në Gjermani).

Nëse personi në fjalë nuk ka pasaportë EU apo vizë gjermane, duhet të përmbushen kushtet e mëposhtme:

Çifti është në një marrëdhënie / partneritet afatgjatë dhe të dy partnerët janë takuar personalisht në Gjermani të paktën një herë, ose çifti ka një vendbanim të mëparshëm të përbashkët në një vend tjetër deri vonë.

Dokumentet e mëposhtme duhet të paraqiten për hyrjen në Gjermani si dëshmi:

1)Një ftesë nga personi që jeton në Gjermani, si dhe një kopje e dokumenteve të identitetit të personit që lëshon ftesën,

2)Një deklaratë për ekzistencën e marrëdhënies, të nënshkruar nga të dy partnerët dhe duke përfshirë detajet e kontaktit të të dy partnerëve,

3)Dëshmi të tjera të përshtatshme për takimet e mëparshme personale, në veçanti pullat e pasaportave, dokumentet e udhëtimit / biletat e fluturimit ose një vendbanim të përbashkët në një vend tjetër; mund të sigurohen edhe dokumente shtesë siç janë fotot, postimet në media sociale, korrespondenca postare / emaili etj.

Pavarësisht nga kriteret e theksuara më lart, vendimi nëse lejohet hyrja është në diskrecionin e Policisë Federale Gjermane në kufi, thotë njoftimi zyrtar i shtetit gjerman.

Të gjithë udhëtarët duhet të ndjekin ende kërkesat e karantinës së shtetit përkatës federal të Gjermanisë, thuhet në njoftimin zyrtar te Qeverisë Federale Gjermane.

Rritje e frikshme e rasteve me koronavirus në Gjermani

Opoja.net

Opozita kritikon Hotin për “koncesione” në Uashington

Opoja.net

Reformat e premtuara në drejtësi, shihen me skepticizëm nga ekspertët

Opoja.net

Djegia e ambasadës amerikane në Beograd, SHBA i kërkon llogari Serbisë

Opoja.net

Serbia kushtëzon dialogun me formimin e Asociacionit

Opoja.net

Prodhuesit vendorë kërkojnë favorizime në procedurat tenderuese

Opoja.net
Agjencia e Lajmeve
www.opoja.net