Opoja.net

Joshua fiton me pikë ndaj Ruizit dhe i kthen titujt e botës

Sport
Joshua fiton me pikë ndaj Ruizit dhe i kthen titujt e botës

Anthony Joshua ka arritur t’i kthejë titujt e botës në kategorinë e peshave të rënda, WBA, WBO, IBF dhe IBO, pasi arriti të fitonte me pikë pas 12 raundesh ndaj Andy Ruiz.

Pasi meksikano-amerikani ia rrëmbeu të gjitha titujt në duelin e tyre të parë më 1 qershor në Madison Square Garden të New Yorkut, menjëherë u aktivizua klauzola për rimeç dhe dueli u zhvendos në Diriyah Arena të Arabisë Saudite për datën 7 dhjetor.

Pas përfundimit të duelit, gjyqtarët vendosën unanimisht në favor të boksierit britanik i cili fi

Fillim i kujdesshëm nga të dy boksierët, të cilët ishin mjaft të fokusuar në minutat e para. Porse, Ruiz pësoi një çarje në vetullën e majtë, ndërkohë që pikët ishin për Joshuan.

Raundi 2

(Foto: Richard Heathcote/Getty Images/Guliver)

Vazhdoi skema e njëjtë nga të dy boksierët, ndërsa kësaj radhë një çarje po në vetullën e majtë e pësoi boksieri britanik, i cili po bokson në largësi dhe është shumë më i kujdesshëm kësaj radhe.

Raundi 3

(Foto: Richard Heathcote/Getty Images/Guliver)

Ruiz filloi strategjinë e tij me goditje në trup, ndërsa AJ vazhdonte me përpjekjet për ta mbajtur larg kampionin. Ai ia doli që ta impononte lojën e tij duke vazhduar të rrëmbejë pikë.

Raundi 4

(Foto: Richard Heathcote/Getty Images/Guliver)

Disa goditje të fuqishme të Joshuas kah fundi i këtij raundi, mirëpo Andy u rikthye dhe për pak sa nuk e rrëzoi, pasi ish-kampioni u shpëtua nga gongu.

Raundi 5

(Foto: Richard Heathcote/Getty Images/Guliver)

Britaniku u tregua i kujdesshëm në këtë raund, në mënyrë që të mos i ndodhte ajo që i ndodhi në duelin e parë. Dhe ia arriti për mrekulli që ngadalë të kthehej dhe të vazhdonte të merrte pikë duke vazhduar dominimin.

Raundi 6

(Foto: Richard Heathcote/Getty Images/Guliver)

Joshua lëvizte nëpër ring dhe godite duke shtuar pikët në favor të tijin dhe duke e lodhur kundërshtarin me goditjet e tij. Ruiz bënte luftën e tij tipike dhe e priste momentin për t’iu afruar dhe për t’i dhënë goditje të rënda.

Raundi 7

(Foto: Richard Heathcote/Getty Images/Guliver)

Objektivi i Ruiz ishte goditja në trupo dhe lodhja e kundërshtarit, duke qenë se Joshua po e dominonte sfidën dhe ishte shumë përpara me pikë. Prandaj, qëllimi i meksikano-amerikanit ishte të fitonte me nokaut. Porse së paku deri në këtë fazë nuk ia lejonte Joshua, i cili megjithatë rrezikoi në disa çaste.

Raundi 8

(Foto: Richard Heathcote/Getty Images/Guliver)

Kampioni dukej i qetë edhe pse u dominua nga AJ deri në këtë raund. Sa herë që britaniku e lejonte t’i afrohej, rrezikonte shumë. Dhe fundi i këtij raundi ishte në favorin e Ruiz, i cili sërish e luhati baraspeshën e Joshuas, ndërsa ky i fundit sërish u shpëtua nga gongu.

Raundi 9

(Foto: Richard Heathcote/Getty Images/Guliver)

Sa herë që britaniku tentonte të bëjë boks të fortë, rrezikonte shumë që të nokautohej nga kundërshtari, pasi që Ruiz arrinte t’i durojë goditjet e tij dhe kundërsulmonte fuqishëm, aq sa e luhaste qëndrueshmërinë e AJ.

Raundi 10

(Foto: Richard Heathcote/Getty Images/Guliver)

Mjaft i kujdesshëm ishte Joshua në këtë raund duke iu shmangur goditjeve të Andyt dhe duke mos iu afruar, teksa jepte goditje nga largësia dhe rrëmbente pikë të reja.

Raundi 11

(Foto: Richard Heathcote/Getty Images/Guliver)

Vazhdoi taktika e njëjtë e Joshuas duke e mbajtur Ruizin në largësi dhe duke marrë pikë. Boksieri meksikano-amerikan shkonte gjatë gjithë kohës përpara duke e kërkuar triumfin me nokaut, porse britaniku i shmangej gjatë gjithë kohës.

Raundi 12

(Foto: Richard Heathcote/Getty Images/Guliver)

Joshua i qëndroi larg dhe nuk iu afrua, edhe pse Ruiz e ftonte t’i afrohej për të boksuar, porse brinaku donte ta fitojë meçin me pikë dhe në këtë mënyrë t’i kthente titujt e botës në kategorinë e peshave të rënda, WBA, WBO, IBF dhe IBO.

/Telegrafi/

Loading...

Mos i humb

Zyrtare: Ylli i Real Madridit tashmë lojtar i Interit

Fari Kolloni

Conte ja rrëmben dy yje Cheleas

Fari Kolloni

Ylli i madh arrin në Mynih për testet mjekësore te Bayern

Fari Kolloni

Lojtari nga Kosova shënon gol të bukur për Bayern Munich II

Fari Kolloni

Guardiola konfirmon largimin e yllit të madh

Fari Kolloni

Lamtumirë Barcelona, Griezman të gjiganti në Premierligë

Fari Kolloni
Agjencia e Lajmeve
www.opoja.net