Opoja.net

Juventusi kompleton rikthimin e pabesueshëm, kalon në çerekfinale të LK-së me het-trik nga CR7

Sport

Juventusi ka arritur të kompletojë rikthimin e pabesueshëm ndaj Atletico Madridit duke u kualifikuar në çerekfinale të Ligës së Kampionëve falë një fitore prej 3-0 para shikuesve të vet.

Juventusi ka zhvilluar një pjesë të parë shumë të bukur ndaj Atletico Madridit, duke e mbyllur në epërsi 1-0.

Fillimisht Juventusi shënoi që në minuta e para me Giorgio Chiellinin, por që u anulua për goditje dënimi ndaj portierit Jan Oblak.

Zonja e Vjetër nuk u ndal me sulme drejt portës së spanjollëve.

Ronaldo ishte i papërmbajtshëm, Foto: Tullio M. Puglia/Getty Images/Guliver

Goli erdhi në minutën e 27-të kur harkimin e Federico Bernardeschit e dërgoi në rrjetë Cristiano Ronaldo.

Juventusi edhe pas golit nuk u tërhoq dhe krijoi disa raste për golin e dytë, por pjesa e parë u mbyll me epërsi minimale.

Zonja e Vjetëre vazhdoi edhe pjesën e dytë me sulme dhe agresivitet të madh në sulm.

Një harkim i saktë i Joao Cancelos e gjeti Ronaldon që u shkëput në zonë për të shënuar me kokë për 1-1. U desh intervenimi i teknologjisë së vijës së golit për të pranuar këtë gol (48’).

Atletico nuk bënte asgjë në vazhdim të takimit kurse sulmet e Juventusit nuk u ndalën.

Ronaldo gëzohet bashkë me stadiumin, Foto: Tullio M. Puglia/Getty Images/Guliver

Fillimisht Mandzukic kishte një mundësi të artë të pa shfrytëzuar, ndërsa më pas u inkuadrua Moise Kean.

Shtët minuta pa përfunduar takimi ishte Kean ai që u gjet përballë portierit Oblak, por që nuk shndërroi në gol një rast ideal.

Më pas një solo epërtim fantastik i Bernardeschit e detyroi brenda zonës Gimenezin që të ndërhyrjë në formë të palejueshme, e që ndikoi që Bjorn Kuipers të akordojë penalti.

I saktë nga pika e bardhë u tregua Cristiano Ronaldo që e kompletoi hetrikun për 3-0 dhe gëzimin e madh në stadiumin Allianz të Torinos.

Deri në fund Atletico nuk pati asnjë mundësi të vetme shënimi dhe Juventusi me paraqitjen më të mirë në vitet e fundit arriti që të sigurojë triumfin dhe kualifikimin me rezultatin 3-0 në ndeshjen e dytë, e rezultat të përgjithshëm 3-2 pas dy ndeshjeve.

Juventusi kështu ka treguar karakter të madh para tifozëve të vet, kurse shorti për çerekfinalet hidhet të premten. /Telegrafi/

Loading...

Mos i humb

Pas Smajlajt, edhe Luiza Gega shpallet kampione Ballkani

Opoja.net

Përfaqësuesit ndërkombëtarë të pingpongut vizitojnë KOK-un

Opoja.net

Maqedonasit kufizojnë shqiptarët për ndeshjen e 26 marsit, bileta vetëm me kartë identiteti

Opoja.net

Kjo është skuadra e radhës nga Premierliga që kërkon Muriqin

Opoja.net

Në Shkup do të ketë policë të Kosovës gjatë ndeshjes së Kombëtares me Maqedoninë

Opoja.net

Karateistët synojnë pikë në Dubai për turneun kualifikues të Parisit, që vlen për kualifikim në “Tokio 2020”

Opoja.net
Agjencia e Lajmeve
www.opoja.net