Opoja.net
Meka Mish

Katari premton mbështetje për Kosovën dhe ushtrinë e saj

Ministri i Mbrojtjes, Rrustem Berisha, ka pritur sot në takim njohës ambasadorin jo rezident të Katarit për Kosovën, Ali bin Hamad Al Marri.

Sipas një njoftimi, ministri Berisha, e ka njoftuar ambasadorin Al Marri, me procesin e tranzicionit të FSK-së dhe punën e madhe për ngritjen e kapaciteteve të parapara me planin e tranzicionit.

“Votimi unanim i Ligjeve për Ministrinë e Mbrojtjes dhe FSK-në nga ana e Kuvendit të Kosovës, ka qenë një ngjarje historike për Kosovën dhe FSK-në. Ky votim ka treguar edhe njëherë për besimin e madh që ka Ushtria e Kosovës tek të gjithë qytetarët e Kosovës pa dallim nacionaliteti dhe etnie”, ka thënë ministri Berisha.

Ndërsa siç thuhet tutje në njoftim, ministri Berisha ka shtuar: “Ministria e Mbrojtjes dhe Forca e Sigurisë së Kosovës, vazhdojnë të jenë të përkushtuar në realizimin e misionit si forcë multietnike, profesionale, në shërbim të paqes, stabilitetit, të gjithë qytetarëve të Kosovës dhe në mbrojtje të integritetit dhe sovranitetit të Kosovës”.

Ministri Berisha gjithashtu ka falënderuar Ambasadorin Al Marri, për përkrahjen e dhënë në vazhdimësi dhe në të gjitha etapat nga ana e Katarit për Republikën e Kosovës.

Ndërsa, theksohet se ambasadori Al Marri, pasi ka uruar ministrin Berisha për miratimin e Ligjeve për Ministrinë e Mbrojtjes dhe FSK-së, ka shtuar se: “Katari e konsideron Kosovën si shtet mik, dhe do të vazhdojë me përkrahjen për Kosovën por edhe për ushtrinë e Kosovës”.

Ai gjithashtu ka shprehur dëshirën për të shikuar mundësitë për vizita të ndërsjella në mes të dy ministrave të mbrojtjes. /Telegrafi/

Mos i humb

“Vendimi për mbylljen e universiteteve është radikal, të rishikohet”

Opoja.net

Ndërtohet xhamia e 40-të në Prizren

Opoja.net

Kolona deri në 250 metra në hyrje të Merdares, pritjet deri në 20 minuta

Opoja.net

Anëtari i bordit: Qeveria dhe MASHT-i, nuk mundë ta fajësojnë KShC-në për mos akreditimin e universiteteve

Opoja.net

Universiteti i Prizrenit bën thirrje që studentët të mos shqetësohen

Opoja.net

Zbulohet sa është vlera e pagave që marrin infermierët e Kosovës në Gjermani

Opoja.net
Agjencia e Lajmeve
www.opoja.net