Opoja.net
Meka Mish

Këshilli i Bashkësisë Islame në Prizren, në 21 vjetorin e Epopesë së UÇK-së, dhuroi ndihma për familje të veteranëve

Këshilli i Bashkësisë Islame në Prizren, për nder të manifestimit të “Epopesë së UÇK-së”, në shenjë nderimi dhe respekti, pasi ka vizituar kohë më parë disa familje të veteranëve të UÇK-së, nga ku është njoftuar me gjendjen e tyre të rëndë ekonomike, u ka shpërndarë ndihma me pako ushqimore dhe higjienike si dhe veshmbathje.

Këshilli i Bashkësisë Islame në Prizren, përmes Shoqatës Humanitare “Bereqeti” dega në Prizren, ka shpërndarë ndihma për disa familje të veteranëve të luftës në zonën e Hasit.

Kryetari i Këshillit, Besim Berisha, tha se një gjë e tillë po realizohet në shënimin e datave të lavdishme për kombin tonë, në përkujtim të dëshmorëve dhe sakrificës së luftëtarëve të lirisë, të cilët nuk kursyen asgjë nga vetja e tyre për çlirimin e vendit.

Kryetari Berisha, tha se përveç zonës së Hasit, gjithashtu kemi shpërndarë ndihma edhe për dy familje të veteranëve në komunën e Rahovecit, duke shtuar se donacionet në fjalë janë nga Pastiçeria “ Konaku”, e cila menaxhohet nga Këshilli i Bashkësisë Islame në Prizren. Familjeve në fjalë u janë shpërndarë këpucë dhe nga një pako me gjëra ushqimore.

Me këtë rast janë shpërndarë 17 pako me gjëra ushqimore dhe higjienike./tvprizreni.info/

Gjiganti

Mos i humb

Sot lansohet fushata “Të gjithë jemi këmbësorë”

Opoja.net

Takimi Merkel – Haradinaj, vendimtar për taksën dhe vizat

Opoja.net

Përmirësohet moti, sot temperatura më të larta

Opoja.net

Ish-luftëtari i UÇK-së detyrohet t’ua ndërpresë fëmijëve shkollimin (Video)

Opoja.net

MASHT-i: Testi i arritshmërisë për klasët e nënta do të mbahet më 31 maj

Opoja.net

Kërkohet vendkalim i ri kufitar mes Malit të Zi dhe Kosovës

Opoja.net
Agjencia e Lajmeve
www.opoja.net