Opoja.net

Këto janë bizneset që u lejohet puna gjatë fundjavës

Kosova
Këto janë bizneset që u lejohet puna gjatë fundjavës

Qeveria e Kosovës ka miratuar masat e reja të mbrojtjes nga pandemia COVID-19, të propozuara nga Ministria e Shëndetësisë, ku ndalohet veprimtaria disa subjekteve afariste dhe bizneseve.

Sipas këtij vendimi, puna gjatë kësaj fundjave u lejohet: furrave të bukës, barnatoreve, marketeve të vogla, pompave të derivateve.

Sipas njoftimit, do të vazhdojnë shërbimet edhe institucionet shëndetësore publike dhe private për nevoja mjekësore, prodhim, furnizim dhe shitje të mallrave esenciale.

“Për shërbime dhe aktivitete që ndërlidhen me menaxhimin e COVID 19 (menaxhmenti dhe personeli esencial qeveritar dhe komunal në sektorët e shëndetësisë, sigurisë dhe administratës shtetërore). Operatorët ekonomik dhe transporti i lirë i mallrave/shërbimeve për të siguruar funksionimin e furnizimit”, thuhet në njoftim.

Në këtë njoftim thuhet po ashtu se “Pezullohen paragrafët 7,8,11,12,13,14,20 e vendimit të qeverisë të datës 01.11.2020 deri në kohën e përcaktuar sipas dispozitivit 1 të këtij vendimi”.

“Obligohet Policia e Kosovës të bëjë kontroll rigoroz në zbatim të masave, vendimeve dhe Ligjit për parandalimin dhe luftimin e pandemisë në territorin e Republikës së Kosovës; Për të gjithë shkelësit e këtyre masave, organet kompetente obligohen të shqiptojnë masat ndëshkimore konform Ligjit për parandalimin dhe luftimin e pandemisë covid-19 në territorin e Republikës së Kosovës”, thuhet në vendim.

Ndërkaq, ndalohet veprimtaria e të gjitha subjekteve afariste dhe bizneseve, qendrave tregtare e rekreative, supermarketeve, subjekteve që ofrojnë shërbimet e gastronomisë (restorantet, kafiteritë dhe të ngjashme) në tërë territorin e Republikës së Kosovës, prej orës 20:00, më 06/11/2020 (e Premte) deri më 09/11/2020 (e Hëne) në orën 05:00.

Ndryshe, në 24-orët e fundit në Kosovë janë konfirmuar 728 raste të reja, derisa numri i viktimave ka arritur në 732.

60% më pak mërgimtarë nga Zvicra në Kosovë këtë vit

Opoja.net

Këta janë ministrat që shpenzuan përtej limiteve për dreka e darka zyrtare

Kushtrim Guraj

Të hënën pritet të bie borë, këto janë temperaturat e javës së ardhshme

Opoja.net
Agjencia e Lajmeve
www.opoja.net