Opoja.net

Kosova e mposht Serbinë në Gjykatën e Arbitrazhit Sportiv

Sport
Kosova e mposht Serbinë në Gjykatën e Arbitrazhit Sportiv

Federata e Futbollit të Kosovës ka konfirmuar se ka marrë njoftim se kërkesa e Serbisë për anulim të pranimit të Kosovës në UEFA është refuzuar nga Gjykata e Arbitrazhit Sportiv.

“Një lajm tejet i mirë në këtë ditë janari, për FFK-në, e cila fitoi edhe një betejë të fundit kundër shtetit të Serbisë, përkatësisht kundër federatës serbe. Sapo mora lajmim nga kryetari i UEFA-s z. Çeferin se CAS-i e ka refuzuar si të pabazë kërkesën e Serbisë për anulimin e vendimit për pranimin e FFK-së në UEFA, . Kjo ishte përpëlitja e fundit serbe që të ndryshojë vendimin, por argumentet tona në UEFA ishin më kokëforta se sa dëshira e Serbisë për ta na ndaluar pranimin tonë”, thuhet në njoftimin e kryetarit të Federatës së Futbollit në Kosovë, Fadil Vokrri.

Vokrri vlerëson se skeptikëve iu mbyll goja me këtë refuzim të CAS-it.

“Edhe njëherë u dëshmua se kishim të drejtë dhe CAS-i e njohu vendimin e UEFA-s si të ligjshëm në favorin tonë, e që unë isha thellësisht i bindur se një vendim i tillë do të sjellë CAS-i, sepse në anën tonë e kishim të drejtën tonë të cilën jo vetëm ne por edhe miqtë tanë e mbrojtën. Me këtë edhe njëherë u mposhtë shteti serb, i cili kishte paguar alamet ekspertë për ta zhbërë vendimin e UEFA-s, si dhe iu mbyllë goja skeptikëve se gjoja mund të rikthehet vendimi i marrë nga Kongresi i UEFA-s i mbajtur më 3 maj 2016”, ka thënë ai, raporton Koha.net.

Në njoftimin për media Vokrri thotë se ky vendim i CAS-it duhet ta fuqizojë Kosovën dhe futbollin e saj.

Loading...

Mos i humb

Kthehet Superliga e futbollit (VIDEO)

Kushtrim Guraj

Juventus arrin marrëveshje me Veronan për Kumbullën

Kushtrim Guraj

Real Madrid me ofertë të madhe për Havertz

Kushtrim Guraj

United beson në marrëveshjen me Pogbën

Kushtrim Guraj

Arbër Zeneli nostalgjik për topin

Kushtrim Guraj

Vdes Steve Priest, basisti i bendit “The Sweet”

Kushtrim Guraj
Agjencia e Lajmeve
www.opoja.net