Opoja.net

Kosova probleme me lëndimet, Challandes vështirë t’i zëvendësojë

Sport

Lëndimi i Milot Rashicës vetëm sa i ka shtuar kokëdhimbjet selektorit të Kosovës, Bernard Challandes, i cili tashmë do ta ketë një ‘armë’ më pak për ndeshjet kualifikuese të shtatorit për Kampionatin Evropian “Euro 2020”.

Sulmuesi i Werder Bremen pësoi një lëndim muskulor në ndeshjen e javës së parë të Bundesligës përballë ekipit të Fortunda Dusseldorfit.

Lëndimi i Milot Rashicës është konfirmuar edhe nga faqja zyrtare e klubit gjerman, teksa i ka uruar shërim të shpejtë atij.

“Milot Rashica ka pësuar një zgjatje në muskujt e aduktorëve dhe pritet të qëndrojë jashtë fushave të blerta për disa javë”, thuhet në njoftimin e klubit gjerman.

Rrjedhimisht Rashica mund të humbasë dy ndeshjet e muajit shtator të cilat Kosova i zhvillon në kuadër të kualifikimeve për “EURO 2020”.

Fillimisht “Dardanët” ndeshen me Republikën Çeke më 7 shtator në “Fadil Vokrri”, teksa tre ditë më pas udhëtojnë drejt “St Mary’s Stadium” për tu përballur me Anglinë.

Arbër Zeneli

Milot Rashica vetëm sa i shtohet listës së gjatë të futbollistëve të lënduar të cilët priten të mungojnë gjithashtu për sfidat e muajit shtator.

Hekuran Kryeziu dhe Arbër Zeneli gjithashtu nuk do të jenë të gatshëm për këto dy ndeshje për shkak të lëndimeve që kanë pësuar muaj më parë.

Por, lajme të mira për teknikun zvicerian vijnë nga infermieria, pasi që mesfushori Valon Berisha është rikthyer në seancat stërvitore me klubin e Lazios dhe mund të jetë i gatshëm për dy ndeshjet e shtatorit./Telegrafi/

Mos i humb

Kosova dhe Serbia përplasen edhe rreth futbollit

Opoja.net

Fitore bindëse e Arsenalit në udhëtim te Frankfurti

Opoja.net

Renditja e re e FIFA-s – Kosova në pozitë rekorde, Shqipëria nuk ndryshon vend

Opoja.net

Lajm i mirë për Kosovën, Hekuran Kryeziu i rikthehet stërvitjeve pas lëndimit të rëndë

Opoja.net

Bayern Munich fiton me lehtësi në ‘Allianz Arena’

Opoja.net

Atletico Madridi dhe Juventusi dhurojnë spektakël, barazojnë në trilerin e katër golave

Opoja.net
Agjencia e Lajmeve
www.opoja.net