Opoja.net

Kosova synon që ta orientojë ekonominë e saj kah Gjermania

Kosova
Kosova synon që ta orientojë ekonominë e saj kah Gjermania

Kryeministri në largim dhe kryetari i Aleancës për Ardhmërinë e Kosovës, ka thënë se ruajtja dhe thellimi i partneritetit të shkëlqyer me aleatin tonë strategjik, Gjermaninë, është interes jetik shtetëror.

Siç ka shkruar Haradinaj në Facebook, në takim me deputetin e Bundestagut Gjerman nga radhët e CDU-së, Peter Beyer, ka potencuar se Kosova ka treguar maturi politike në proceset e fundit në vend dhe është e përkushtuar për zgjedhje të lira e demokratike.

“Duke intensifikuar bashkëpunimin ndërmjet dy vendeve tona, Kosova synon që ta orientojë ekonominë e saj kah Gjermania. Thellësisht mirënjohës Bundestagut dhe Kancelares Merkel, për konsistencë dhe vendosmëri në mbështetje të sovranitetit të Kosovës, duke u bërë hapur zëri ynë kundër ideve për ndarje dhe korrigjim”, ka shkruar Haradinaj.

Ndryshe, deputeti i CDU-së në Bundestagun gjerman, Peter Beyer, është shprehur kundër ndryshimit të kufijve të Kosovës.

Këto komente Beyer i bëri pas takimit që ka zhvilluar me kryetarin e LDK-së, Isa Mustafa.

“… Jemi të qëndrimit që Kosova të jetë ashtu siç është – pa ndryshim të kufijve”, ka thënë deputeti gjerman Beyer para mediave. /Telegrafi/

Spitali i Prizrenit prinë me numrin më të madh të pacientëve të hospitalizuar me Covid në Kosovë

Opoja.net

Banka Botërore ndan 10 milionë euro për të varfërit në Kosovë

Opoja.net

Kur mund të tërhiqen paratë? Flasin nga Trusti

Opoja.net
Agjencia e Lajmeve
www.opoja.net