Opoja.net

Kurti dhe Osmani japin detajet e bashkëqeverisjes

Kosova
Kurti dhe Osmani japin detajet e bashkëqeverisjes

Ka përfunduar takimi i liderit të Lëvizjes Vetëvendosje, Albin Kurti dhe kandidates për kryeministre në zgjedhjet e fundit nga LDK, Vjosa Osmani.

Pas këtij takimi, Vjosa Osmani, në një prononcim për media ka thënë se në këtë takim kanë diskutuar në nivel të parimeve për bashkëqeverisje.

“Diskutuam mundësitë e bashkëqeverisjes tani pas një procesi të mirë zgjedhor që kaluam. Sot kemi diskutuar më shumë në nivel të parimeve, jo detajeve. Por, me rëndësi është që të dyja partitë treguam vullnetin e mirë për të qeverisur bashkë dhe për të punuar në interes të qytetarëve të Kosovës”, ka thënë ajo, përcjell Telegrafi.

Osmani ka thënë se është diskutuar për numrin e ministrive dhe punës në interes të qytetarëve.

“Ka disa gjëra me të cilat filluam diskutimet tona kryesisht sa i përket një qeverie e cila do të reduktohet sa i përket numrit të ministrive por, do të rritet sa i përket punës së mirë në interes të qytetarëve. Është me rëndësi të presim numërimin e të gjitha votave para se ta arrijmë marrëveshjen finale por ka vullnet të mirë nga të dyja palët që marrëveshja të arrihet”, është shprehur Osmani.

E pyetur se kush do ta marrë pozitën e kryeministrit, ajo ka thënë se kjo do të konfirmohet kur të numërohen të gjitha votat.

“Ne si LDK e kemi deklaruar edhe më parë që po presim rezultatin final dhe nëse rezultati konfirmohet kushdo që ka marrë më shumë vota, ne nuk do të hezitojmë që në bashkëqeverisje kushdo që ka fituar ta marrë pozitën e kryeministrit. Ndërsa ku do të jem unë është vendim që do ta marrë në bashkëpunim me partinë”, ka thënë Osmani.

Ndërsa lideri i VV-së, Albin Kurti, ka thënë se pritjet e qytetarëve janë të larta dhe nuk duhet humbur kohë.

“Kosova ka humbur shumë kohë dhe pritjet e qytetarëve janë të larta. Ne kemi filluar bisedimet duke nisur me idenë e përbashkët që ta zbatojmë për qeverinë sa më efikase dhe për shtet sa më të fuqishëm. Synimi ynë është t’i dalim Zot nevojave të qytetarëve, të respektojmë të drejtat e tyre dhe ta orientojmë shtetin nga zhvillimi, demokracia, si dhe mirëqenia për të gjithë”, ka theksuar ai.

Kurti ka thënë se në këtë qeverisje do të ketë përfshirje të grave 30 për qind.

Loading...

Mos i humb

Ambasada e Kosovës në Austri njofton qytetarët për procedurat që duhet ndjekur në rast kthimi në vendlindje

Opoja.net

Qeveria heq reciprocitetin ndaj Serbisë, Hoti: Presim që edhe pala serbe të heq pengesat

Opoja.net

Qeveria Hoti e dominuar nga burrat, shoqëria civile kritikon numrin e ulët të grave në ekzekutiv

Opoja.net

IKSHPK apelon të qytetarët, bizneset dhe gastronomia që në mënyrë strikte t’i respektojnë rekomandimet ndaj COVID-19

Opoja.net

Prishet koalicioni mes LVV-së dhe LDK-së në Prizren

Opoja.net

Edhe 11 raste me coronavirus dhe dy të shëruar në Kosovë

Opoja.net
Agjencia e Lajmeve
www.opoja.net