Opoja.net

Kurti viziton kampin në Prizren ku po strehohen të prekurit nga tërmeti – Kosova kurrë nuk e lë vetëm Shqipërinë

Kosova
Kurti viziton kampin në Prizren ku po strehohen të prekurit nga tërmeti – Kosova kurrë nuk e lë vetëm Shqipërinë

Lideri i Lëvizjes Vetëvendosje, njëherësh kandidat i kësaj partie kryeministër, Albin Kurti, është zotuar sot gjatë një vizite në Parkun Inovativ në Prizren, ku janë të vendosur rreth 500 persona të prekur nga tërmeti, se Kosova dhe populli i saj kurrë s’do ta lënë vetëm Shqipërinë.

Gjatë kësaj vizite Kurti ishte i shoqëruar nga kryetari i Komunës së Prizrenit Mytaher Haskuka, dhe deputetët e kësaj partie Artan Abrashi, Yllza Hoti, Arbër Rexhaj, Salih Zyba.

Kurti tha se në ish-kampin ushtarak të KFOR-it në Prizren gjithçka funksionon me përpikëri dhe se së shpejti aty do të hapet edhe kuzhina për refugjatët.

“Ne pamë që gjithçka po funksiononte në përpikëri: mjekët po bënin kontrollet sistematike për trajtimin e infeksioneve të lehta, atyre kronike e deri te sëmundjet akute; psikologët të gatshëm për trajtimin e të traumatizuarve; vullnetarët ishin duke i seleksionuar të gjitha ndihmat, nga ato higjienike te veshmbathjet, nga dyshekët te batanijet. Të gjitha nevojat elementare janë duke u plotësuar. Ndonëse çdo ditë ushqimi është duke u shtruar nga humanitarë zemërgjerë, në hapësirat e Kampit shpejt do të hapet edhe kuzhina ku do të gatuhet ushqim i freskët për refugjatët. Ish-hapësira e KFOR-it gjerman, sot Park Inovativ, edhe pse nuk mund ta ketë ngrohtësinë e shtëpisë, po ia del mbanë që mërzinë ta zbus. Në emër të organizatës sonë, i falënderojmë të gjithë për punën që po e bëjnë”, tha ai.

Për më tepër, Kurti tha se shteti i Kosovës, Qeveria dhe populli i saj kurrë nuk do ta lë vetëm Shqipërinë.

“Çfarë ndodhi nuk mund të zhbëhet, por jeta duhet të triumfojë. Këto ditë pikëllimin po e kthejmë në forcë. Ne jemi një komb dhe nuk jemi mysafir te njëri-tjetri, Kosova është shtëpia e juaj, sepse kombi shqiptar është streha jonë”, tha Kurti.

Loading...

Mos i humb

Rekordi i frikshëm me Koronavirus në Ferizaj

Opoja.net

Rritet numri i vdekjeve nga koronavirusi në Kosovë, vdesin edhe 4 persona të tjerë

Opoja.net

1 mijë e 951 raste aktive me koronavirus në Kosovë, sot janë shëruar 60 persona

Opoja.net

LAJMI I FUNDIT: 214 raste të reja me koronavirus në Kosovë

Opoja.net

Ndodh kjo në QKUK: Pacientët e prekur me COVID-19 detyrohen t’i blejnë vet ilaqet!

Opoja.net

Procedohet në Kuvend rishikimi i buxhetit për vitin 2020

Opoja.net
Agjencia e Lajmeve
www.opoja.net