Opoja.net

LDK kërkon që shërbimi ushtarak të jetë i obligueshëm në Kosovë

Kosova
LDK kërkon që shërbimi ushtarak të jetë i obligueshëm në Kosovë

Shefi i grupit parlamentar të LDK-së, Avdullah Hoti ka thënë se Këshilli i Ekspertëve i LDK-së, në punëtorinë dyditore për Programin Qeverisës të LDK-së për qeverinë në ardhje, në fushën e mbrojtjes nacionale, ka vlerësuar që SHËRBIMI USHTARAK NË KOSOVË TË JETË I OBLIGUESHËM, sipas modelit të vendeve të vogla si Zvicra dhe vendeve të tjera.

Siç ka shkruar Hoti në Facebook, kjo masë garanton mbrojtje efektive nacionale, i rrit aftësitë fizike e profesionale të rinisë dhe i mundëson Ushtrisë së Kosovës të renditet krahas ushtrive të partnerëve tanë në NATO.

“Për një periudhë disavjeçare, të rinjtë do të shërbejnë për disa muaj në shërbimin ushtarak, me shkëputje, bazuar në nevojat e të rinjve për arsim, punësim dhe familje”, ka shkruar Hoti.

Kjo, sipas tij, është njëra nga masat kryesore të Programit Qeverisës të LDK-së në fushën e mbrojtjes dhe të sigurisë nacionale, sipas modelit dhe qasjes proaktive të zbatuar tashmë në vendet më të avancuara të botës.

“Programi i LDK-së do t’i maksimizojë përparësitë dhe mundësitë e Republikës së Kosovës në fushën e mbrojtjes dhe sigurisë. Procesi i përgatitjes të programit të ri të LDK-së do të jetë gjithëpërfshirës, me pjesëmarrje të të gjithë ekspertëve në LDK-në që kanë dhënë kontribut për tri dekada në ndërtimin e shtetit të Kosovës, si dhe do të përfshijë ekspertizën e kuadrove më të mirë që ka Kosova”, ka përfunduar Hoti. /Telegrafi/

Loading...

Mos i humb

IKSHPK: Nuk ka koronavirus në Kosovë

Opoja.net

Kosova e Kroacia për fuqizim të bashkëpunimi në shëndetësi

Opoja.net

Hoti priti në takim zëvendëspresidentin e Parlamentit Evropian, Rainer Wieland

Opoja.net

Reagon BE, mirëpret njoftimin e Kurtit për tarifën 100 %

Opoja.net

Parashikimi i motit sot në Kosovë

Opoja.net

Ministri i Shëndetësisë sot raporton për Coronavirusin në Kosovë

Opoja.net
Agjencia e Lajmeve
www.opoja.net