Opoja.net

Libra: Facebook publikon zyrtarisht kripto-valutën e tyre të parë

Teknologji

Të martën, gjigandi i rrjetit social nga Silicon Valley njoftoi zyrtarisht për çfarë ka punuar gjatë vitit të kaluar: një kripto-valutë e re që synon të sigurojë pagesa online të shpejta, të lira dhe të sigurta nëpërmjet telefonave të mençur anembanë globit, duke anashkaluar sistemin tradicional financiar.

Projekti paraqet një shtytje të mrekullueshme nga Facebook në një industri rrënjësisht të re dhe me reputacion të rrezikshëm, edhe pse kompania vazhdon të vuajë nën peshën e dy viteve të skandaleve, duke filluar nga kriza të shumta të privatësisë deri në implikimin e saj në përhapjen e gjuhës së urrejtjes që ushqente gjenocidin në Mianmar, raporton Business Insider.

Më shumë se dhjetëra kompani janë përzgjedhur për të investuar 10 milionë dollarë secila, nëpërmjet një fondacioni jo-fitimprurës të quajtur Shoqata Libra.

Këtu përfshihen firmat e pagesave si Mastercard dhe PayPal deri tek firmat e teknologjisë, duke përfshirë Ebay, Uber dhe Spotify, si dhe firmat e kapitaleve sipërmarrëse, kompanitë ‘blockchain’ dhe grupet jofitimprurëse.

Ka pasur rrjedhje të shumta në media rreth Libra-s gjatë disa muajve të fundit dhe ndërsa ajo është duke u zyrtarizuar të martën, nuk do të jetë e disponueshme për përdoruesit e zakonshëm deri në vitin 2020, përcjell Telegrafi.

“Libra do të jetë një monedhë e qëndrueshme e ndërtuar mbi një ‘blockchain’ të hapur të burimit të sigurt dhe të qëndrueshëm, mbështetur nga një rezervë e aseteve reale dhe qeverisur nga një shoqatë e pavarur”, thuhet në dokumentin e Facebook.

“Shpresa jonë është të krijojmë më shumë qasje në shërbime financiare më të mira, më të lira dhe të hapura – pa marrë parasysh se kush jeni, ku jetoni, çfarë bëni ose sa keni.”

Mos i humb

Sistemi i tri kamerave të iPhone 11 mund të realizojnë fotografi me pamje shumë të gjerë

Kushtrim Guraj

Google sjell numërimin e fjalëve në Google Docs

Opoja.net

Lllogaritë private në Instagram mund të mos jenë aq të sigurta

Opoja.net

Disqet parashikohet të tejkalojnë shitjet e CD-ve, për herë të parë që nga viti 1986

Opoja.net

Apple do ta prezantojë iPhone 11, drejtpërdrejt në YouTube

Opoja.net

Facebook pranon se ka qenë duke dëgjuar zërin tuaj

Opoja.net
Agjencia e Lajmeve
www.opoja.net