Opoja.net
Meka Mish

Maturantët sërish edhe këtë vit me plane se si të kopjojnë në Testin e Maturës

Nxënësit e rajonit të Prishtinës, sot do t’i nënshtrohen pjesës së parë të Testit të Maturës. Mirëpo edhe pse janë paraparë masa ndëshkuese për maturantët, të cilët nëse zihen duke kopjuar do të ndëshkohen, ata edhe sivjet si vitin e kaluar janë duke bërë plane se si të kopjonë.

Pavarësisht masave ndëshkuese, ku është thënë se do të ndalohen edhe valët e telefonit, nxënësit kanë krijuar një grup në rrjetin social ‘Facebook’, ku të rinjtë po komunikojnë mes veti se si të bashkëpunojnë gjatë mbajtjes së testit, përkatësisht dërgimin e pyetjeve dhe marrjen gatshëm të përgjigjeve.

E për këtë me një postim në Facebook ka reaguar njohësi i fushës së arsimit, Dukagjin Popovci.

Popovci ka shkruar se si nxënësit kanë një vullnet të jashtëzakonshëm që të kopjojnë gjatë testit të maturës.

Ai tha se ky veprim nuk ka të bëjë vetëm me shkollën por me gjithë shoqërinë e cila bashkëjeton me dallaverën, gënjeshtrën dhe hajninë.

“Vullnet i jashtëzakonshëm për të mashtruar. Kjo nuk ka të bëj vetëm me shkollën, por me gjithë shoqërinë, e cila nuk e ka problem të bashkëjetojë me dallaveren, gënjeshtrën dhe hajninë”, ka shkruar Popovci në Facebook.

Ndryshe, testi i maturës në të dy pjesët do të ketë 200 kërkesa, ndërsa pragu i kalueshmërisë do të jetë me 40 për qind të përgjigjeve të sakta.

Ministri i Arsimit, Shkencës dhe Teknologjisë, Shyqiri Bytyqi sot do të vizitojë maturantët që do të testohen në qendrën e testimit në Shkollën e Mesme të Mjekësisë “Dr. Ali Sokoli”.

Masa ndëshkimi janë paraparë për maturantët dhe administratorët e testit nëse zihen duke kopjuar, ndërkohë që zhurmues të valëve të telefonit do të vendosen në të gjitha qendrat e testimit.

Në total, provimit shtetëror të maturës do t’i nënshtrohen mbi 28 mijë nxënës nga e gjithë Kosova. /Telegrafi

Mos i humb

Fillon fushata për vende të shëndetshme të punës

Opoja.net

Moti sot në Kosovë

Opoja.net

Kosova sivjet pret rendimente më të ulëta të grurit (Video)

Opoja.net

S’ka heqje të vizave as gjatë Presidencës finlandeze

Opoja.net

Fillim-java me shi, nga e premtja mot me diell

Opoja.net

Prizren 1999, nënkoloneli serb i veshur si civil në mesin e shqiptarëve vëzhgon hyrjen e trupave të NATO-s

Opoja.net
Agjencia e Lajmeve
www.opoja.net