Opoja.net

Mbi dy mijë zyrtarë policorë u larguan nga Policia e Kosovës, që nga themelimi i saj

Kosova
Mbi dy mijë zyrtarë policorë u larguan nga Policia e Kosovës, që nga themelimi i saj

Nga themelimi i saj, e deri më tani, Policia e Kosovës numëron rreth nëntë mijë punonjës/personel policor me uniformë dhe civil.

Nga ky numër i përgjithshëm i zyrtarëve policorë ka edhe të atillë që kanë lënë punën për arsye nga më të ndryshmet apo edhe janë përjashtuar. Policia e Kosovës (PK) në një përgjigje për Telegrafin thekson se janë gjithsej 1, 406 zyrtarë policorë që kanë dhënë dorëheqje.

“Numri i policëve që kanë lënë detyrën, qoftë policë që kanë dalë në pension apo policë që kanë dhënë dorëheqje për arsye të ndryshme, është gjithësej 1,406. Ndërsa i policëve që janë përjashtuar nga detyra: është gjithësej 887”, thuhet në përgjigjen e Policisë, për Telegrafin.

Ndërsa Inspektoriati Policor i Kosovës (IPK) thekson se për nëntëmujorin e vitit 2019 ka  pranuar gjithsej 1030 lëndë /ankesa të cilat janë pranuar përmes mënyrave të ndryshme në IPK.

“Nga numri total prej 1030 lëndëve/ankesave, 679 ankesa janë dërguar në Policinë e Kosovës për hetim disiplinor, ndërsa 351 ankesa janë proceduar në Departamentin e Hetimeve në IPK. Inspektorati Policor i Kosovës, përkatësisht Departamenti i Hetimeve me autorizim të Prokurorisë në periudhën janar – shtator 2019 ka arrestuar tridhjetë e dy (32) zyrtar policor dhe një (01) staf civil, kurse ka rekomanduar suspendimin e pesëdhjetë e shtatë (57) zyrtarëve policorë dhe dy zyrtarëve të stafit civil të PK-së. Sa i përket zyrtarëve policor të transferuar janë tetë”, thuhet në përgjigjen e IPK-së dërguar Telegrafi.


Sipas IPK-së, duke pasur parasysh rastet e pranuara në IPK gjatë këtij nëntë mujori hetuesit e Departamentit të Hetimeve kanë ngritur 41 kallëzime penale pranë prokurorive kompetente, 9 raporte të veçanta si dhe 141 raporte informuese që janë përcjellë në prokurori.

Ndërsa bazuar në raportin vjetor 2018 të Inspektoriatit policor të Kosovësgjatë vitit 2018 Policia e Kosovës ka pasur 86341 punonjës, prej të cilëve në përgjithësi si subjekt i hetimit nga IPK-ja kanë qenë 198 punonjës të PK-së (theks i veçantë është se numri i punonjësve sipas identitetit është 194 punonjës policor).

Loading...

Mos i humb

Projekti “Bashkimi i Qytetit” përçan LDK-në në Ferizaj

Opoja.net

E dhimbshme: Koronavirusi i merr jetën edhe një mjeku kosovar

Opoja.net

Nga nesër do të ketë reduktime të ujit në Prishtinë

Opoja.net

Testi i Covid-19 mbetet kusht për kosovarët që duan të hyjnë në Mal të Zi

Opoja.net

Ambasada e SHBA-ve del kundër idesë për tërheqjen e 10 përqindëshit nga Trusti: Kjo është e tmerrshme

Opoja.net

Kërkohet që studentët të lirohen nga pagesa e semestrit

Opoja.net
Agjencia e Lajmeve
www.opoja.net