Opoja.net

Menaxheri i Rrahmanit e konfirmon se mbrojtësi i Kosovës tashmë është lojtar i Napolit

Sport
Menaxheri i Rrahmanit e konfirmon se mbrojtësi i Kosovës tashmë është lojtar i Napolit

Menaxheri i Amir Rrahmani, Adrian Aliaj ka zbuluar tashmë se mbrojtësi i Përfaqësueses së Kosovës, tashmë është lojtar i Napolit.

Kapiteni i Kosovës ka shkëlqyer që nga transferimi i tij në verë nga Dinamo Zagrebi te Hellas Verona për një shifër të raportuar prej dy milionë eurosh.

Paraqitjet e tij të mira me klubin italian kanë bërë që Rrahmani të pëlqehet shumë nga Napoli dhe të lidhet me një transferim në San Paolo.

Pas disa javë thashetheme, menaxheri i Rrahmanit, Adrian Aliaj, ish-mbrojtës i Kombëtares së Shqipërisë, ka konfirmuar zyrtarisht se kapiteni i Kosovës do të jetë lojtar i ri i Napolit pasi marrëveshje është arritur.

Rrahmani po shkëlqen në Serie A te Verona (Foto: Emilio Andreoli/Getty Images/Guliver)

Alija tregoi edhe kushtet e transferimit, kontratën dhe gjithçka tjetër rreth kësaj marrëveshje.

“Është vetëm ana teknike për t’u mbyllur, por të themi se kemi rënë dakord shumë kohë më përpara. Napoli e ka ndjekur që nga fillimi i sezonit lojtarin”, ka thënë fillimisht Aliaj për Supersport.

“Ishte proces tre mujor. Mendojmë ta finalizojmë marrëveshjen zyrtarisht javën tjetër”.

“Mund ta them se ai tashmë është lojtar i Napolit. Ai është lojtar i kompletuar”.

Rrahmani si kapiten i Kosovës gjatë ndeshjes ndaj Anglisë (Foto: Michael Regan/Getty Images/Guliver)

“Të vish në këtë nivel për të pasur interesim nga Napoli është privilegj për lojtarin dhe mua si menaxher. Është punë e vështirë, sakrificë e lojtarit. E prisnim të ndodhte”.

“Rrahmani do të jetë zyrtarisht në janar lojtar i Napolit, por do të mbetet i huazuar deri në verë te Verona. Kontrata e tij është pesë vjeçare”.

“Lojtari është i kënaqur. Kushtet janë të mira për lojtarin. Verona është gjithashtu e kënaqur pasi e bleu vetëm dy milion euro dhe e shet 15 milionë”, përfundoi menaxheri i Rrahmanit. /Telegrafi/

Adrian Aliaj

Loading...

Mos i humb

Messi blen apartament në Milan, po transferohet në Inter?

Fari Kolloni

Pesë futbollistë të Gjilanit rezultojnë pozitivë me COVID-19

Fari Kolloni

Zyrtare: Finalja Drita – Linfield nuk do të luhet

Fari Kolloni

Pse nuk po arrihet marrëveshja Fenerbahce-Lazio për Muriqin, zbulohet arsyeja

Fari Kolloni

Conte e dëshiron Kessie në Inter, vjen reagimi i mënjëhershëm i Milanit

Fari Kolloni

Inter mposht Bayer Leverkusenin, kalon në gjysmëfinale të Europa Ligue

Fari Kolloni
Agjencia e Lajmeve
www.opoja.net