Opoja.net

Ndryshon orari i lëvizjes, pas orës 17:00 ndalohet qarkullimi

Kosova
Ndryshon orari i lëvizjes, pas orës 17:00 ndalohet qarkullimi

Ministri në detyrë i Shëndetësisë, Arben Vitia, ka njoftuar se është ndryshuar orari i kufizimit të lëvizjes së qytetarëve, për të frenuar përhapjen e koronavirusit në Kosovë.

“Ministria e Shëndetësisë në koordinim të plotë me GNMI, MPB dhe ministritë e linjës, konform Planit të Veprimit Kombëtar dhe në pajtim të plotë me masat emergjente të aprovuara nga Qeveria e Kosovës, pas analizimit të situatës epidemiologjike, monitorimit të kujdesshëm të këtyre ditëve, njofton se posa i ka propozuar Kryeministrit në detyrë Albin Kurti, dhe qeverisë në detyrë të Republikës plotësim-ndryshimin e vendimeve në raport me masat të cilat kanë për qëllim mbrojtjen shëndetit publik”, ka njoftuar Vitia.

Ai ka bërë të ditur se është propozuar edhe ndryshimi i vendimit sa i përket orareve të qarkullimit të qytetarëve dhe automjeteve.

“Tani ky kufizim do të jetë nga ora 17:00 deri në orën 06:00”, thuhet në njoftimin që e ka bërë ministri Arben Vitia.

“Të dashur qytetarë, bashkëpunimi juaj, vetdisiplina, kujdesi dhe solidariteti janë jetike në këtë betejë. Është jashtëzakonisht e rëndësishme që të jemi bashkë në administrimin e kësaj situate. Ju lutem që të mirëkuptoni, ndiqni dhe të zbatoni të gjitha masat e reja. Për çdo shkelje të masave të përcaktuara, do të shqiptohen dënimet konform dispozitave ligjore”, thuhet në njoftim.

Për propozimin e Vitisë, Qeveria në detyrë ka marrë vendim mbrëmë.

“Ndalohet qarkullimi i qytetarëve dhe automjeteve private gjatë orës 17:00-06:00 përveç nevojave mjekësore, prodhim, furnizim dhe shitje të mallrave esenciale (ushqim dhe barna për njerëz dhe kafshë/shpezë), dhe për shërbime dhe aktivitete që ndërlidhen me menaxhim të pandemisë (menaxhmenti dhe personeli esencial qeveritar dhe komunal nga këta sektorë: shëndetësi, siguri dhe administratë shtetërore)”, thuhet në njoftimin e ZKM’së.

Loading...

Mos i humb

Ndalet tregtia Kosovë – Serbi

Opoja.net

Parashikimi i motit për sot

Opoja.net

Disa nga masat që duhet respektuar në momentin që fillojnë udhëtimet me avion

Opoja.net

Në Prizren, ​54 raste aktive me coronavirus, 32 persona presin rezultatet gjatë ditës

Opoja.net

Raporti i UNDP: Qytetarët më së shumti të kënaqur me punën e Vjosa Osmanit, Albin Kurti në vendin e dytë

Opoja.net

Qytetarët, shumë të pakënaqur me drejtimin politik të vendit

Opoja.net
Agjencia e Lajmeve
www.opoja.net