Opoja.net
Meka Mish

Nuk kishin leje për të hyrë në Kosovë, Policia kthen mbrapsht basketbollistët serbë

Basketbollistëve të klubit “Sloga”, nga Kraljeva nuk iu lejua hyrja në Kosovë, pasi që nuk kishin leje.

Një grup i basketbollistëve të klubit “Sloga”, nga Kraljeva nuk u lejuan që të hynin në Kosovë sot, pasi që të njëjtit nuk kishin as leje nga Federata e Kosovës dhe as asnjë dokument identifikimi.

Këtë e ka konfirmuar, Daut Hoxha, zëdhënës i Policisë së Kosovës.

“Rreth orës 12:20 ju ka refuzua hyrja në Republikën e Kosovës pasi që nuk kanë pas asnjë dokument identifikimi dhe po ashtu nuk kanë pas as leje nga federata”, ka deklaruar për lajmi.net Hoxha.

Në anën tjetër pas ndalimit të këtyre lojtarëve të rinj, ka reaguar edhe shefi i të ashtuquajturës zyre për Kosovën në qeverinë e Serbisë, Marko Gjuriq, duke thënë se kjo është shkelje e marrëveshjes së lëvizjes së lirë.

“Nuk ka asnjë justifikim për këtë ndikim të Prishtinës në lirinë e lëvizjes, e cila tani ndalon dhe se të rinjtë janë të angazhuar në sport dhe po udhëtojnë lirshëm”, tha Gjuriç në një deklaratë për Tanjugun, transmeton lajmi.net.

Madje ai edhe kërcënoi duke thënë se do të shqyrtojnë në detaje se kush dhe pse e ka bërë këtë veprim.

“Ne do të shqyrtojmë se kush, me emër dhe mbiemër, është përgjegjës për këtë sjellje ndaj atletëve dhe fëmijëve dhe pasojat mund të shkojnë përtej kufijve të Serbisë”, paralajmëroi Gjuriq.

Mos i humb

Akil Gjakova fiton medaljen e artë në “GP Budapest 2019” pas triumfit në finale ndaj xhudistit rus

Opoja.net

Pas Muriqit, Fenerbahce synon edhe Pajtim Kasamin

Opoja.net

Dani Alves është futbollisti i parë që fiton 40 trofe

Opoja.net

Avdijaj largohet nga Debreceni, rikthehet në Zvicër

Opoja.net

Zyrtare: Etrit Berisha prezantohet te Spal

Opoja.net

Erdhi nga akademia e Lirisë, Dellova konsiderohet si lojtar më perspektiv i Hajdukut

Opoja.net
Agjencia e Lajmeve
www.opoja.net