Opoja.net

Osmani: Përvoja e Bullgarisë, e rëndësishme për Kosovën në proceset integruese

Kosova
Osmani: Përvoja e Bullgarisë, e rëndësishme për Kosovën në proceset integruese

Kryetarja e Kuvendit të Republikës së Kosovës, dr. Vjosa Osmani, sot priti ambasadorin e Bullgarisë në Kosovë, z. Hristo Gudjev, me të cilën diskutuan për bashkëpunimin e gjertanishëm institucional në mes të Kosovës dhe Bullgarisë.

Ambasadori Gudjev solli urimet me rastin e zgjedhjes së znj. Osmani kryetare e Kuvendit të Kosovës, duke e vlerësuar si vlerë të shtuar zgjedhjen e një gruaje në krye të institucionit më të lartë përfaqësues.

Në takim u rikonfirmua gatishmëria e Bullgarisë për ta thelluar edhe më tej bashkëpunimin në nivel të institucioneve lokale dhe qendrore, bashkëpunimin në fushën e arsimit, kulturës, artit dhe të trashëgimisë kulturore, duke qenë vendet me trashëgimi të pasur kulturore. Ishte vlerësim i njëjtë se përveç afërsisë gjeografike dhe vlerave të përbashkëta të orientimit perëndimor, Kosova dhe Bullgaria kanë edhe shumë sfida të përbashkëta, andaj, rëndësia e një partneriteti të tillë është më se i nevojshëm.

Ambasadori ofroi përkrahjen e shtetit bullgar për reformat e synuara nga ana e institucioneve të reja, procesin e liberalizimit të vizave për qytetarët e Kosovës dhe krijimin e mundësive për lirinë e lëvizjes.

Bashkëpunimi parlamentar në mes të dy vendeve ishte po ashtu temë me theks të veçantë, në ofrimin e shkëmbimit të përvojave në procesin e integrimit europian dhe euroatlantik.

Loading...

Mos i humb

“Diaspora po investon në patundshmëri për t’i ruajtur lidhjet familjare”

Opoja.net

IKSHP tregon rezultatet e dy personave që dyshohej se kishin koronavirus në QKUK

Opoja.net

As taksë, as reciprocitet, por ambient të barabartë afarist

Opoja.net

Ligji anti-duhan kthehet pothuajse në pikën zero

Opoja.net

S’ka mjekë, repartet në spitalet rajonale drejt mbylljes

Opoja.net

Kush e dha lajmin e njohjes nga Xhamjaka i pari dhe si i kapi euforia liderët e Kosovës

Opoja.net
Agjencia e Lajmeve
www.opoja.net