Opoja.net
Meka Mish

Pas taksës, import minimal nga Serbia

Ramush Haradinaj, me vendosmëri vazhdon të mbrojë tarifën për produktet serbe.

E pos arsyeve politike për këtë veprim, kryeministri i Kosovës thotë se kjo masë ndaj Serbisë ka dhënë rezultat edhe në rritjen e prodhimit vendor.

E se ka rritje të prodhimit vendor e konfirmojnë në Klubin e Prodhuesve të Kosovës.

Edhe në Doganën e Kosovës, thonë se tash e gati katër muaj prej vendosjes së taksës, produktet me origjinë serbë e boshnjake tashmë janë zëvendësuar në tregun vendor.

Ndërkohë, është shënuar rekord në rënien e nivelit të importit nga Serbia përgjatë muajve sa është vendosur taksa 100% nga Qeveria e Kosovës.

Për një muaj, viteve të kaluara mesatarisht Kosova ka importuar nga Serbia rreth 35 milionë euro produkte, derisa tash mesatarja arrin në 150 mijë euro.

E këto produkte të importuara kryesisht janë lëndë e parë që vijnë nga Serbia.

Në anën tjetër, për prodhuesit kosovarë kjo konsiderohet vetëm një shtytje, derisa presin lehtësira të tjera nga shteti.

Prej 21 nëntorit Qeveria e Kosovës ka vendosur tarifë prej 100% për produktet me origjinë serbe dhe ato të Bosnjës e Hercegovinës.

 

Mos i humb

Universiteti i Prizrenit bën thirrje që studentët të mos shqetësohen

Opoja.net

Zbulohet sa është vlera e pagave që marrin infermierët e Kosovës në Gjermani

Opoja.net

Mbyllet Universiteti i Prizrenit

Opoja.net

Lituania pro heqjes së vizave për Kosovën, Finlanda e rezervuar

Opoja.net

Mërgimtarët ia mësyjnë Kosovës, deri në 30 minuta pritje në Merdare

Opoja.net

Në Kosovë shënohet Dita e Popullsisë

Opoja.net
Agjencia e Lajmeve
www.opoja.net