Opoja.net

Për herë të parë në Kosovë, bujqit patën mundësi të mbrojnë pemishtet

Për herë të parë në Kosovë, bujqit patën mundësi të mbrojnë pemishtet

Banka Botërore në Kosovë ka bërë me dije se këtë pranverë, për herë të parë në Kosovë, bujqit kishin mundësi të mbrojnë pemishtet e tyre nga rreziku i ngricave të pranverës me sigurime bujqësore për mollën, kumbullën dhe rrushin, në kuadër të një projekti të IFC-së, pjesë e Grupit të Bankës Botërore.

“Projekti tani ka zhvilluar edhe një sistem që u mundëson kompanive të sigurimeve të lëshojnë polisa të sigurimeve bujqësore në formë elektronike (online), e rëndësishme meqenëse masat që synojnë parandalimin e përhapjes së pandemisë COVID-19 kufizojnë shërbimet bankare dhe të sigurimeve person me person”.

“Tash fermerët mund të paraqesin dokumentet e nevojshme dhe të kryejnë pagesën nëpërmjet kësaj platforme, pa pasur nevojë të dalin nga shtëpia. Kjo është një arritje domethënëse për tregun e ri të sigurimeve bujqësore në Kosovë. IFC po e zbaton këtë projekt në partneritet me qeveritë e Austrisë dhe Hungarisë”, njofton BB përmes një postimi në llogarinë e saj në Facebook.

Insekti nga Kosova bëhet lajm në botë

Opoja.net

Pas borës, bujqit i kthehen punës në vreshta

Opoja.net

Për tre muaj, u eksportuan 126 milionë euro produkte nga Kosova

Merlinda Guraj
Agjencia e Lajmeve
www.opoja.net