Opoja.net

Prezantohet programi për regjistrin e kancerit “CanReg 5”

Shëndeti

Në Institutin Kombëtar të Shëndetësisë Publike të Kosovës (IKSHP), u bë prezantimi i programit për regjistrimin e rasteve me kancer “CanReg 5”.

Ky program është softueri i regjistrit të kancerit, i rekomanduar nga OBSH-ja, që do të mundësojë një evidentim cilësor dhe sasior të rasteve të sëmundjeve malinje.

Ministri i Shëndetësisë, Imet Rrahmani tha se ky është rezultat i punës së Bordit Nacional për Kontroll të Kancerit, me mbështetjen e Zyrës së OBSH-së në Kosovë.

Ai tha se vitet në vijim do të jenë sfiduese sa u përket sëmundjeve malinje për faktin se me rritjen e jetëgjatësisë, shtohen edhe rastet me sëmundje malinje, që do të jetë një sfidë e veçantë për profesionistët shëndetësor.

Drejtori ekzekutiv i IKSHP-së, Naser Ramadani, tha se me programin “CanReg 5” do të regjistrohen të dhënat, të cilat grumbullohen me fletëparaqitjen e sëmundjeve malinje në Kosovë.

“Ky program është realizuar me përkrahjen e OBSH-së, Zyra në Prishtinë, dhe ka për qëllim që të ngritë cilësinë dhe sasinë e raportimit të sëmundjeve malinje dhe që indikatorët relevantë për sëmundjet malinje të mund të raportohen në OBSH dhe organizata të tjera ndërkombëtare”, tha Ramadani.

Sami Uka nga Zyra e OBSH-së në Kosovë, tha se regjistri e ka rëndësinë e veçantë sa u përket zhvillimit të politikave shëndetësore, ndërsa rekomandon katër hapa sa i përket adresimit të sëmundjeve malinje: Parandalimin; Zbulimin e hershëm; Diagnostikimin dhe Trajtimin dhe kujdesin paliativ.

Mos i humb

Tri ushqimet që më së miri e pastrojnë trupin nga nikotina

Opoja.net

Problemet shëndetësore që mund të vijnë nga konsumi i pijeve energjike

Opoja.net

Çfarë duhet bërë së pari kur të shfaqet dhimbja në kurriz?

Opoja.net

Arsyet pse po ju bien flokët dhe si ta ndalni këtë

Opoja.net

Ndiqni këto këshilla për t’i shpëtuar gripit të këtyre ditëve!

Opoja.net

Lëngu i kumbullave si kura më e mirë natyrale kundër kancerit të zorrëve

Opoja.net
Agjencia e Lajmeve
www.opoja.net