Opoja.net

Qendra Kryesore e Mjekësisë Familjare në Prizren do të ofrojë shërbime mjekësore 24 orë

Kosova

Që nga sot, Qendra Kryesore e Mjekësisë Familjare (QKMF) në Prizren, do të punojë edhe me ndërrimin e tretë dhe do t’i ofrojë qytetarëve të komunës së Prizrenit shërbime mjekësore për 24 orë.

Sipas një njoftimi të Komunës së Prizrenit, krahas njësisë së Urgjencës, QKMF-ja do të jetë adresa e dytë shëndetësore e nivelit komunal që do të punojë me orar të plotë.

Me këtë rast, thuhet tutje, njësia e Urgjencës do të lirohet nga mbingarkesa dhe do të merret vetëm me rastet urgjente, derisa në QKMF do të ofrohen shërbime për raste që nuk janë urgjente.

Bëhet e ditur se kryetari i Komunës së Prizrenit, Mytaher Haskuka dhe drejtori i Drejtorisë së Shëndetësisë, Visar Shehu, së bashku me stafin menaxhues të QKMF-së, përuruan këtë shërbim të ri.

“Me anë të shërbimeve cilësore, pastërtisë dhe mënyrës së trajtimit të pacientëve, po i kthehet besimi i qytetarëve ndaj institucioneve shëndetësore në nivelin komunal. Rreth 80% të shërbimeve mjekësore po kryhen në shërbimin parësor mjekësor, duke filluar që nga analizat e deri tek mamografia, dhe kjo e bënë Komunën e Prizrenit njërën prej komunave më të suksesshme në këtë aspekt”, ka thënë ndër tjerash kryetari Haskuka.

Ndërsa drejtori Shehu me këtë rast ka bërë të ditur se shërbimi 24 orësh në QKMF është pjesë e reformës që po bëhet në shërbimin parësor shëndetësor dhe paralajmëroi edhe për shumë projekte të reja që do të realizohen gjatë këtij viti. /Telegrafi/

Loading...

Mos i humb

12 fëmijë të lindur në 2008-en, vit kur lindi Kosova, pjesëmarrës në Kuvendin e Kosovës

Opoja.net

Pas 35 vite punë në Zvicër, mërgimtari kthehet në vendlindje për të investuar (Video)

Opoja.net

Rrënqethëse, ish-ushtari tregon çka u kishte thënë Adem Jashari mëngjesin e 5 Marsit

Opoja.net

Prizren: Godet tri shtylla dhe rrokulliset, tre persona të lënduar në vetaksident

Opoja.net

“Leni UÇK-në rehat, ajo i takon vetëm popullit”

Opoja.net

Pacientët nuk e pëlqejnë ushqimin në QKUK

Opoja.net
Agjencia e Lajmeve
www.opoja.net