Opoja.net

Ronaldo tregon se ku është dallimi mes tij e Messit

Sport

Cristiano Ronaldo ka kontribuar në debatin e përjetshëm se kush është më mirë, ai apo Lionel Messi.

Portugezi është shfaqur në një dokumentar të DAZN-it, “The Making Of”, teksa ka treguar se ku është dallimi mes tij dhe argjentinasit.

Sulmuesi i Juventusit ka pohuar se dallimi qëndron në faktin se ai ka luajtur për klube të ndryshme, me të cilët ka fituar tituj të Ligës së Kampionëve.

“Dallimi është se kam luajtur për klube të ndryshme dhe e kam fituar pesë herë Ligën e Kampionëve ndërsa ai është në të njëjtin klub gjatë gjithë karrierës. Unë isha shtatë herë golashënuesi më i mirë i Ligës së Kampionëve, ku në gjashtë herë kam qenë vit pas viti. Janë shumë pak futbollistë që kanë fituar pesë tituj të Evropës me klube dhe kjo është arsyeja pse unë identifikohem me atë garë”, pohoi futbollisti.

Ronaldo fitoi një titull evropian me Manchester United dhe katër me Realin. Gjatë rrugës, ai vlerësoi Messin, i cili fitoi katër titujt evropian me ekipin e Barcelonës ndërsa është shpallur gjashtë herë golashënuesi më i mirë i garës.

“Messi është një lojtar i shkëlqyer i futbollit, i cili nuk do të mbahet në mend vetëm për Topat e Artë, por edhe si lojtari kryesor i ekipit vit pas vitit”, tha CR7.

Ndryshe, 34-vjeçari deri më tani ka fituar një herë titullin e kampionit të Evropës me kombëtaren e Portugalisë. /Telegrafi/

Loading...

Mos i humb

Kosovë – Çeki, fillon shitja e biletave

Opoja.net

Arsenali mposht Burnleyn për fitoren e dytë në Ligën Premier

Opoja.net

Bayerni e konfirmon arritjen e marrëveshjes me Barcelonën për Coutinhon

Opoja.net

Bayerni e fillon mbrojtjen e titullit me barazim, ndalet nga Hertha

Opoja.net

Milan synon transferimin e Florian Neuhaus, mesfushori cilësohet si “Leite Kaka gjerman”

Opoja.net

Konfirmohet nga FFK: Nuk ka më barazh, katër klube bien nga Superliga – tri ekipe në Evropë

Opoja.net
Agjencia e Lajmeve
www.opoja.net